QR Bilim jáne ǵylym ministrligi 2020-2021 oqý jylyna arnalǵan memlekettik bilim berý tapsyrysyn bekitti, dep habarlaidy "Ult aqparat".
Ministr buiryǵyna sáikes, 2020-2021 oqý jylyna arnalǵan mamandyqtar bólinisinde joǵary jáne joǵary oqý ornynan keiingi bilimi bar kadrlardy, magistrlerdi jáne PhD doktorlaryn daiarlaýǵa arnalǵan memlekettik bilim berý tapsyrysy bólindi.
Qujatqa sáikes, biyl joǵary bilimi bar kadrlardy (bakalavr) daiarlaýǵa - 53 864 grant bólinip otyr. Ǵylymi-pedagogikalyq magistratýra baǵytyna - 12 915, beiindi magistratýraǵa - 710 jáne PhD doktorlaryn daiarlaýǵa - jalpy 2 355 tapsyrys bólingen.
Barlyq mamandyqtar boiynsha memlekettik tapsyrys tizimin buiryq qosymshalarynan qaraýǵa bolady.
