2019 jyly Qazaqstanda «Pedagogtardyń mártebesi» týraly Zań qabyldanady. Bul týraly Memleket basshysy Nursultan Nazarbaev Qazaqstan halqyna Joldaýynda atap ótti, dep habarlaidy QazAqparat tilshisi.
«Kelesi jyly «Pedagogtardyń mártebesi» týraly Zań qabyldaý kerek dep esepteimin. Ol zań muǵalimderdi jáne mektepke deiingi mekemelerdiń qyzmetkerlerin yntalandyratyn barlyq tetikterdi qarastyrýy kerek. Júktemeni qysqartyp, qyzmetten tys tekseristerden aryltý kerek. Tyńdańyzdar, muǵalimderge búgingi tańda barlyq jumys júktele beredi. Sailaýdy ótkizetin - muǵalimder, úgit-nasihatty júrgizetin - muǵalimder, bir sharýany atqarý kerek bolsa - muǵalimder... Ol úshin eshkim de olarǵa aqsha tólep jatqan joq. Olardy búl júktemeden aryltý kerek. Olar sabaqqa daiyndalyp, tiisti ýaqytynda jumys isteýi kerek. Tynymsyz tekserister de bitpeidi. Mine, zań osylardy toqtatý úshin kerek», - dedi Nursultan Nazarbaev.
Aita ketsek, Aqordada QR Prezidenti Nursultan Nazarbaevtyń Qazaqstan halqyna Joldaýyn jariialaýda. Strategiialyq qujat elimizdiń áleýmettik-ekonomikalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.
.jpeg)