Qazaqstan Respýblikasynyń Memlekettik hatshysy Gúlshara Ábdiqalyqovanyń tóraǵalyǵymen Shetelde kadrlar daiarlaý jónindegi respýblikalyq komissiianyń otyrysy ótti, dep habarlaidy "Ult aqparat".
Jiyndy ashqan G.Ábdiqalyqova Nursultan Nazarbaevtyń «Memlekettiń barlyq bastamalary halqymyzdyń turmys deńgeiin jaqsartýǵa baǵyttalǵan. Jurttyń sapaly bilim alyp, suranysqa ie mamandyǵy men laiyqty jumysy bolǵanda ǵana ál-aýqatymyz artady» degen sózine toqtaldy.
– «Bolashaq» stipendiiasy – Memleket basshysy aýqymdy jańa jobalardy iske asyrýdyń biregei tetigi retinde aiqyndap bergen basym baǵyttardyń biri, – dedi Memlekettik hatshy.
Komissiia otyrysynda Shetelde kadrlar daiarlaý jónindegi respýblikalyq komissiianyń hattamalyq tapsyrmalarynyń oryndalýy týraly Bilim jáne ǵylym ministrliginiń esebi tyńdaldy, sondai-aq «Bolashaq» stipendiiasynyń júzege asyrylýyna qatysty birqatar máseleler qarastyryldy.
Komissiianyń sheshimimen 2019 jylǵa arnalǵan basym mamandyqtardyń tizbesi bekitildi. Qujatta 155 mamandyq qamtylǵan. «Bolashaq» halyqaralyq stipendiiasy boiynsha taǵylymdamadan ótetinderdiń sanaty anyqtaldy. 2019 jylǵa 555 stipendiia bekitildi.
Stipendiia magistratýra men doktorantýrada oqýǵa, sondai-aq álemniń jetekshi ǵylymi jáne óndiristik ortalyqtarynda taǵylymdamadan ótýge joldanatyn 71 úmitkerge taǵaiyndaldy.
Jiyn qorytyndysy boiynsha Qazaqstan Respýblikasynyń Memlekettik hatshysy Gúlshara Ábdiqalyqova «Bolashaq» halyqaralyq stipendiiasyn júzege asyrýdy odan ári jalǵastyrý jóninde birqatar tapsyrma berdi.
