QR Premer-Ministriniń tóraǵalyǵymen ótken Úkimet otyrysynda indýstriia jáne infraqurylymdyq damý ministri 2019 jyldyń 10 aiyndaǵy ónerkásip jáne kólik salasynyń damý qorytyndylary týraly baiandady.
2019 jylǵy 10 aidyń ishinde ónerkásip óndirisiniń kólemi 103,5%-dy, onyń ishinde: taý-ken ónerkásibi 103,7%-dy, óńdeý ónerkásibi 103,3%-dy qurady.
Taý-ken óndirý sektorynda tústi ken óndirisiniń kólemi 2018 jyly paidalanýǵa engizilgen taý-ken óndirý kásiporyndary esebinen 18%-ǵa ulǵaidy.
Jyl basynan beri temir kenin óndirý salasynda oń dinamika baiqalýda. Taýarlyq ken óndirisi 48%-ǵa ulǵaidy, óndirý kóleminiń 103,8%-ǵa ósýi esebinen Reseidegi jáne Qytaidaǵy kontsentrat pen shekemtastar eksportynyń ósýi qamtamasyz etildi.
Kómir men lignit óndirý kólemi 97,3%-dy qurady.
«Kórsetkishter kómir óndirýshi kásiporyndarda kómir óndirisiniń azaiýy saldarynan tómendedi. Bul rette, naqty kólem indeksi kórsetkishiniń 0,4%-ǵa ósýi baiqalýda jáne jyldyń sońyna qarai +1,8%-ǵa oryndaý kútilýde», — dedi B. Atamqulov.
Óńdeý ónerkásibinde ósim 3,3%-dy qurady. Negizgi sektorlar boiynsha mynadai dinamika baiqalady:
- Qara metallýrgiiada óndiris kólemi 94,4% qurady.
- Tústi metallýrgiiada óndiris kólemi 7,3%-ǵa ósti.
- Mashina jasaý salasynda 18,8%-ǵa ósti.
- Farmatsevtika ónerkásibinde óndiris kólemi 15,2%-ǵa ósti.
- Jeńil ónerkásipte 18,9%-ǵa ósti.
Qazirgi ýaqytta «qarapaiym zattar ekonomikasy» baǵdarlamasy aiasynda salany damytý boiynsha birqatar normativtik-quqyqtyq aktiler men júieli sharalar qabyldanýda.
Kólik kesheni boiynsha 2019 jylǵy qańtar-qazan aralyǵynda naqty kólem indeksi 105,6%-dy qurady. Qazaqstan arqyly konteiner tasymaldaýdyń jalpy kólemi ótken jylmen salystyrǵanda 29%-ǵa ósti jáne 530,8 myń jiyrma fýnttyq balamany qurady.
Qurylys boiynsha naqty kólem indeksi 2019 jylǵy qańtar-qazan ailarynda 112,7% qurady.
«9 óńirde oń dinamika baiqalýda. Qaraǵandy, Qyzylorda, Atyraý, Batys Qazaqstan, Aqmola, Shyǵys Qazaqstan oblystary kósh bastap tur. Úsh óńirde – Mańǵystaý oblysy, Nur-Sultan jáne Shymkent qalalarynda kórsetkishtiń tómendeýi baiqalady», — dep naqtylady ministr.
Turǵyn úi qurylysy boiynsha 10 aidyń qorytyndysy boiynsha 9,8 mln sharshy metr turǵyn úi paidalanýǵa berildi. Ol 2018 jyldyń osyndai kezeńimen salystyrǵanda 100%-dy qurady. Jyldyq jospar boiynsha paidalanýǵa berilgen turǵyn úi paiyzy 75,4%-dy qurady.
Respýblika boiynsha barlyǵy 84 580 baspana paidalanýǵa berildi.
Turǵyn úidi paidalanýǵa berý kóleminiń ulǵaiýy ótken jylmen salystyrǵanda respýblikanyń 9 óńirinde jalǵasýda. Turǵyn úidi paidalanýǵa berý boiynsha kóshbasshylar: Túrkistan, Qyzylorda, Aqtóbe, Qostanai oblystary jáne Shymkent qalasy. Turǵyn úidi paidalanýǵa berý qarqynnyń tómendeýi Jambyl oblysynda jáne Nur-Sultan qalasynda baiqalady.
«Jyldyq josparǵa qol jetkizý úshin osy ákimdikter jumysty jandandyrý qajet. Jalpy, jyl qorytyndysy boiynsha Ministrlik jetekshilik etetin barlyq salalarda naqty kólem indeksiniń josparly mánderine qol jetkiziledi», — dedi B. Atamqulov.
