قر پرەمەر-مينيسترٸنٸڭ تٶراعالىعىمەن ٶتكەن ٷكٸمەت وتىرىسىندا يندۋسترييا جەنە ينفراقۇرىلىمدىق دامۋ مينيسترٸ 2019 جىلدىڭ 10 ايىنداعى ٶنەركەسٸپ جەنە كٶلٸك سالاسىنىڭ دامۋ قورىتىندىلارى تۋرالى باياندادى.
2019 جىلعى 10 ايدىڭ ٸشٸندە ٶنەركەسٸپ ٶندٸرٸسٸنٸڭ كٶلەمٸ 103,5%-دى, ونىڭ ٸشٸندە: تاۋ-كەن ٶنەركەسٸبٸ 103,7%-دى, ٶڭدەۋ ٶنەركەسٸبٸ 103,3%-دى قۇرادى.
تاۋ-كەن ٶندٸرۋ سەكتورىندا تٷستٸ كەن ٶندٸرٸسٸنٸڭ كٶلەمٸ 2018 جىلى پايدالانۋعا ەنگٸزٸلگەن تاۋ-كەن ٶندٸرۋ كەسٸپورىندارى ەسەبٸنەن 18%-عا ۇلعايدى.
جىل باسىنان بەرٸ تەمٸر كەنٸن ٶندٸرۋ سالاسىندا وڭ ديناميكا بايقالۋدا. تاۋارلىق كەن ٶندٸرٸسٸ 48%-عا ۇلعايدى, ٶندٸرۋ كٶلەمٸنٸڭ 103,8%-عا ٶسۋٸ ەسەبٸنەن رەسەيدەگٸ جەنە قىتايداعى كونتسەنترات پەن شەكەمتاستار ەكسپورتىنىڭ ٶسۋٸ قامتاماسىز ەتٸلدٸ.
كٶمٸر مەن ليگنيت ٶندٸرۋ كٶلەمٸ 97,3%-دى قۇرادى.
«كٶرسەتكٸشتەر كٶمٸر ٶندٸرۋشٸ كەسٸپورىنداردا كٶمٸر ٶندٸرٸسٸنٸڭ ازايۋى سالدارىنان تٶمەندەدٸ. بۇل رەتتە, ناقتى كٶلەم يندەكسٸ كٶرسەتكٸشٸنٸڭ 0,4%-عا ٶسۋٸ بايقالۋدا جەنە جىلدىڭ سوڭىنا قاراي +1,8%-عا ورىنداۋ كٷتٸلۋدە», — دەدٸ ب. اتامقۇلوۆ.
ٶڭدەۋ ٶنەركەسٸبٸندە ٶسٸم 3,3%-دى قۇرادى. نەگٸزگٸ سەكتورلار بويىنشا مىناداي ديناميكا بايقالادى:
- قارا مەتاللۋرگييادا ٶندٸرٸس كٶلەمٸ 94,4% قۇرادى.
- تٷستٸ مەتاللۋرگييادا ٶندٸرٸس كٶلەمٸ 7,3%-عا ٶستٸ.
- ماشينا جاساۋ سالاسىندا 18,8%-عا ٶستٸ.
- فارماتسەۆتيكا ٶنەركەسٸبٸندە ٶندٸرٸس كٶلەمٸ 15,2%-عا ٶستٸ.
- جەڭٸل ٶنەركەسٸپتە 18,9%-عا ٶستٸ.
قازٸرگٸ ۋاقىتتا «قاراپايىم زاتتار ەكونوميكاسى» باعدارلاماسى اياسىندا سالانى دامىتۋ بويىنشا بٸرقاتار نورماتيۆتٸك-قۇقىقتىق اكتٸلەر مەن جٷيەلٸ شارالار قابىلدانۋدا.
كٶلٸك كەشەنٸ بويىنشا 2019 جىلعى قاڭتار-قازان ارالىعىندا ناقتى كٶلەم يندەكسٸ 105,6%-دى قۇرادى. قازاقستان ارقىلى كونتەينەر تاسىمالداۋدىڭ جالپى كٶلەمٸ ٶتكەن جىلمەن سالىستىرعاندا 29%-عا ٶستٸ جەنە 530,8 مىڭ جيىرما فۋنتتىق بالامانى قۇرادى.
قۇرىلىس بويىنشا ناقتى كٶلەم يندەكسٸ 2019 جىلعى قاڭتار-قازان ايلارىندا 112,7% قۇرادى.
«9 ٶڭٸردە وڭ ديناميكا بايقالۋدا. قاراعاندى, قىزىلوردا, اتىراۋ, باتىس قازاقستان, اقمولا, شىعىس قازاقستان وبلىستارى كٶش باستاپ تۇر. ٷش ٶڭٸردە – ماڭعىستاۋ وبلىسى, نۇر-سۇلتان جەنە شىمكەنت قالالارىندا كٶرسەتكٸشتٸڭ تٶمەندەۋٸ بايقالادى», — دەپ ناقتىلادى مينيستر.
تۇرعىن ٷي قۇرىلىسى بويىنشا 10 ايدىڭ قورىتىندىسى بويىنشا 9,8 ملن شارشى مەتر تۇرعىن ٷي پايدالانۋعا بەرٸلدٸ. ول 2018 جىلدىڭ وسىنداي كەزەڭٸمەن سالىستىرعاندا 100%-دى قۇرادى. جىلدىق جوسپار بويىنشا پايدالانۋعا بەرٸلگەن تۇرعىن ٷي پايىزى 75,4%-دى قۇرادى.
رەسپۋبليكا بويىنشا بارلىعى 84 580 باسپانا پايدالانۋعا بەرٸلدٸ.
تۇرعىن ٷيدٸ پايدالانۋعا بەرۋ كٶلەمٸنٸڭ ۇلعايۋى ٶتكەن جىلمەن سالىستىرعاندا رەسپۋبليكانىڭ 9 ٶڭٸرٸندە جالعاسۋدا. تۇرعىن ٷيدٸ پايدالانۋعا بەرۋ بويىنشا كٶشباسشىلار: تٷركٸستان, قىزىلوردا, اقتٶبە, قوستاناي وبلىستارى جەنە شىمكەنت قالاسى. تۇرعىن ٷيدٸ پايدالانۋعا بەرۋ قارقىننىڭ تٶمەندەۋٸ جامبىل وبلىسىندا جەنە نۇر-سۇلتان قالاسىندا بايقالادى.
«جىلدىق جوسپارعا قول جەتكٸزۋ ٷشٸن وسى ەكٸمدٸكتەر جۇمىستى جانداندىرۋ قاجەت. جالپى, جىل قورىتىندىسى بويىنشا مينيسترلٸك جەتەكشٸلٸك ەتەتٸن بارلىق سالالاردا ناقتى كٶلەم يندەكسٸنٸڭ جوسپارلى مەندەرٸنە قول جەتكٸزٸلەدٸ», — دەدٸ ب. اتامقۇلوۆ.
