Qazaqstan Respýblikasynyń Prezidenti Nursultan Nazarbaev búgingi Joldaýynda jastardyń barlyq sanatyn qoldaýǵa arnalǵan sharalardy tolyq qamtityn áleýmettik satynyń aýqymdy platformasyn qalyptastyrý kerektigin aitty, dep habarlaidy "Ult aqparat".
«Árbir qazaqstandyq júrgizilip jatqan reformalardyń mánin, mánisin, olardyń Otanymyzdy órkendetý jolyndaǵy mańyzyn jete túsinýi tiis. Ony biz jetkize bilýimiz kerek. Reformalardy júzege asyrý úshin qoǵamnyń ortaq maqsatqa jumylýy asa mańyzdy. «Rýhani jańǵyrý» baǵdarlamasy jappai qoldaýǵa ie bolady. Qoǵamdaǵy jańǵyrý úrdisterine tyń serpin berdi», - dedi Elbasy.
Nazarbaev joǵaryda atalǵan baǵdarlamaǵa qosymsha elimizde «5 áleýmetti bastama» jariialanǵanyn jáne bul bastamany ári qarai jalǵastyryp qana qoimai, onyń ainalasyn jańa mazmunmen, jańa baǵytpen keńeitý qajettiligin atap ótti.
«Jastar men otbasy institýtyn keshendi qoldaý – memlekettik saiasatynyń basymdylyǵyna ainalýy tiis. Jastardyń barlyq sanatyn qoldaýǵa arnalǵan sharalardy tolyq qamtityn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jariialaýdy usynamyn», - dedi Prezident.
.jpeg)