Terrorizmge qarsy ortalyq 2019 jyldy qorytyndylady, - dep habarlaidy Ulttyq qaýipsizdik komiteti.
Ortalyqtyń kezekti otyrysyn Ulttyq qaýipsizdik komitetiniń basshysy Kárim Másimov ótkizdi.
«Elimizdiń ár túrli aimaqtarynda 7 radikaldyq toptyń jáne 34 jeke tulǵalardyń qylmystyq áreketteri beitaraptandyryldy» dep jazylǵan vedomstvo saitynda.
907 tulǵa radikaldy kózqarastan bas tartqan. Bas bostandyǵynan aiyrý oryndarynda 162 sottalýshy radikalsyzdandyryldy.
Ońaltý ortalyqtarynda «Jýsan» operatsiiasy aiasynda elge oralǵan áielder men balalar bar. Burynǵy kózqarasynan áielderdiń úshten biri bas tartqan. Ózgelerimen tiisti jumys júrgizilip jatyr.
Qarý men jarylǵysh zattar radikaldy ortaǵa túspeýi úshin elde jańa mehanizm engizilgen. Nátijesinde mundai 17 árekettiń joly kesildi.
Ónerkásiptik jarylǵysh zattar men materialdardy, áskeri bólimderdegi qoimalarda raketalyq-artilleriialyq qarý-jaraqty kúzetý rejimi kúsheitildi.
