2018 jyly 140 áleýmettik shielenistiń aldy alyndy. Mundai derek QR Bas prokýratýrasynyń keńeitilgen alqa otyrysynda aityldy, dep habarlaidy QazAqparat tilshisi.
Vedomstvonyń málimetinshe, prokýrorlardyń aktilerimen memleketke 34 mlrd teńgeniń orny toltyrylyp, 21 mlrd teńgeniń múlki qaitaryldy. 2,4 mlrd teńgeniń eńbekaqy bereshegi óteldi. Memleket qoryna 7 mlrd teńgeniń jer ýchaskeleri qaitaryldy. Sondai-aq 21 mlrd teńgege halyqqa ótemaqysyn tóletýmen elektr energiiasy men jylý tarifteri azaityldy. Qabyldanǵan sharalardyń nátijesinde shamamen 140 áleýmettik shielenistiń aldy alyndy.
Kólik prokýrorlarynyń kúshi aviatsiia, temir jol jáne avtomobil kólikteri salasyndaǵy qaýipsizdikti qamtamasyz etýge shoǵyrlandy. Osy baǵytta memleket múddesine 6,4 mlrd teńgege iri materialdyq zalal keltirýdiń joly kesildi. Profilaktikalyq sharalarmen áskeri saladaǵy qylmystylyq 12 paiyz azaidy.
Sonymen qatar alqa otyrysynda prokýrorlarǵa ústimizdegi jyly azamattardy aqysyz meditsinalyq kómektiń kepildendirilgen kólemimen qamtamasyz etý, gaz jáne sýmen jabdyqtaýdyń tarifin belgileý, halyqtyń áleýmettik-qaýqarsyz toby - balalar, múgedekter, zeinetkerler men basqalarynyń quqyǵyn qorǵaý salalaryndaǵy zańdylyqty saqtaý máselesin tekserý tapsyrylǵan.
«Bizdiń árbir tekserýimizdiń nátijeleri halyq turmysynyń sapasyn arttyrýy jáne áleýmettik problemalardyń alǵysharttaryn sheshýi tiis», - dedi otyrysta Qairat Qojamjarov.
Buǵan deiin 2018 jyly prokýrorlardyń kómegimen zańsyz ustalǵan 766 azamattyń bostandyqqa shyqqany habarlanǵan bolatyn.
