Búgin QR Premer-Ministri Baqytjan Saǵyntaevtyń tóraǵalyǵymen ótken QR Úkimeti otyrysynda 2018 jylǵy 9 aqpandaǵy Úkimettiń keńeitilgen otyrysynda Memleket basshysy bergen tapsyrmalardy oryndaý máseleleri qaraldy, dep habarlaidy "Ult aqparat" primeminister.kz saityna silteme jasap.
Investitsiialar jáne damý ministri Jeńis Qasymbek 2018 jyly indýstriialandyrý baǵdarlamasy aiasynda eksportqa baǵyttalǵan sektorlardy yntalandyrý men eńbek ónimdiligin arttyrýǵa basa nazar aýdara otyryp, óńdeý ónerkásibin qoldaýǵa erekshe kóńil bólinetinin aitty.
Jeńis Qasymbektiń aitýynsha, biyl JIÓ qurylymynda óńdeý ónerkásibiniń úlesin arttyrý úshin qajetti júielik sharalar qabyldanady. Indýstriialandyrý kartasy aiasynda jańa jobalardy iske qosý jalǵasyn tabady.
«Biyl biz quny 1 trln teńge bolatyn 150-ge jýyq jobany iske qosýdy josparlap otyrmyz. Munda 15 myń turaqty jumys orny ashylady», — dedi ministr Jeńis Kasymbek.
Ónerkásiptik damýdyń kelesi kezeńi - Indýstriia 4.0 elementterin engizý arqyly tehnologiialyq damýdyń jańa sapaly deńgeiine ótý. 2017 jyly «Tsifrlyq Qazaqstan» memlekettik baǵdarlamasyna engizilgen tsifrlyq tehnologiialardy engizý úshin ekojúie qurýǵa baǵyttalǵan negizgi ónerkásip salalaryn tehnikalyq qaita jaraqtandyrý sharalary ázirlendi.
2018 jyly QR IDM tsifrlyq tehnologiialardyń múmkindigin kórsetý alańdaryna ainalatyn jeti modeldi tsifrlyq fabrikalardyń aýditi boiynsha jumysty bastaýǵa nietti («Kentaý transformator zaýyty», «Karlskrona», «Himfarm», «Evrazian fýds», «Almaty ventiliator zaýyty», «Qazaqmys» korporatsiiasy, «Qazhrom»).
Sonymen qatar, júie quraýshy taý-ken metallýrgiia kásiporyndarynda Indýstriia 4.0. tehnologiiasyn engizý jobalary iske asyrylady.
Sondai-aq, ministrlik jariialaǵan aqparatqa sáikes, biyl tsifrlandyrýdy núktelik yntalandyrýǵa qatysty keibir qoldaý sharalary ishinara qaita qaralady (kásiporyndardyń shyǵyndaryn óteý kezinde shyǵyndardyń túrlerin anyqtaý, granttar berý, qoljetimdi nesie kapitaly jáne t.b.).
Sondai-aq, Jeńis Qasymbek Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýynda júktelgen tapsyrmalarǵa sáikes, jyl sońyna deiin «tsifrlyq dáýir» ónerkásibiniń qalyptasýyna baǵyttalǵan Indýstriialandyrýdyń úshinshi besjyldyǵy tujyrymdamasy ázirlenetinin habarlady.
«Jalpy, josparlanǵan is-sharalardy iske asyrý 2018 jyly óńdelgen eksporttyń qundyq kóleminiń ósimin 10,3%-ǵa (2017 jyl deńgeiine), óńdeý ónerkásibiniń eńbek ónimdiligin 6%-ǵa, óńdeý ónerkásibiniń negizgi kapitalyn 1 trln teńgege deiin ósýin qamtamasyz etýge múmkindik beredi», — dep atap ótti Jeńis Qasymbek.
Sonymen qatar, biylǵy jyly «Nurly jer» baǵdarlamasyn odan ári iske asyrý tetikteri qaita qaralady.
«Memleket basshysynyń 2018 jylǵy Joldaýynda júktelgen tapsyrmalardy iske asyrý aiasynda sáýlet, qala qurylysy jáne qurylys salasyndaǵy memlekettik standarttardy jetildirý jumystaryn bastadyq», — dep atap ótti Jeńis Qasymbek.
Budan ózge, turǵyn úidiń qoljetimdiligin qamtamasyz etý maqsatynda arzan qurylys jáne ipotekalyq nesie berý máseleleri boiynsha jumys júrgizilýde, turǵyndardy turǵyn úimen qamtamasyz etý kórsetkishin 2030 jylǵa qarai 30 sharshy metrge deiin jetkizý kózdelip otyr.
Ministrdiń málimetinshe, kommertsiialyq bankter biyl qurylys salýshylarǵa 125 mlrd teńgege sýbsidiialanǵan nesie men 105 mlrd teńge ipotekalyq nesieler beretin bolady. Bank sektoryn jańǵyrtý nesie berýdiń jyl saiynǵy kólemin 350 mlrd teńgege deiin jetkizýge jáne Turǵyn úi qurylys jinaq bankiniń ekonomikalyq belsendi salymshylarynyń úlesin 12%-ǵa deiin ósirýge múmkindik beredi.
«2018 jyly qabyldanǵan sharalardyń nátijesinde 11,2 mln sharshy metr turǵyn úi paidalanýǵa beriledi dep kútilýde», — dep qorytyndylady ministr.
