2017 jyldyń qańtarynda jergilikti atqarýshy organdarmen 210 jumys berýshige sheteldik jumys kúshin tartý úshin 480 ruqsat berildi, óz kezeginde jumys berýshilermen 182,8 mln. teńge mólsherinde salyq alymdary tólendi, dep habarlaidy QR Eńbek jáne halyqty áleýmettik qorǵaý ministrligi.
Ruqsat berý boiynsha memlekettik qyzmet tikelei jergilikti atqarýshy organdarmen qosa «elektrondyq úkimet» portalynyń «biryńǵai tereze» printsipi arqyly da júzege asyrylady.
Eske sala keteiik, 2017 jyldyń 1 qańtarynan bastap Qazaqstan Respýblikasyna sheteldik jumys kúshin tartýdyń jańa jeńildetilgen tártibiniń engizilýine bailanysty jumys ruqsattaryn berý merzimi qysqartyldy jáne jumys berýshilerge qatysty erekshe jaǵdailardy oryndaý, ishki eńbek naryǵynda izdeý júrgizý jáne sheteldik jumysshylarǵa kepildik jarna engizý boiynsha ákimshilik talaptar joiyldy.
Osy erekshe sharttardyń ornyna jumys berýshi jergilikti biýdjetke tóleitin jańa salyq alymy engizildi. Alym mólsherlemesi sheteldik jumys kúshiniń sanaty men salasyna qarai 137 AEK-den 250 AEK-ge deiingi shamada belgilenedi, bul 290 myń men 530 myń teńge aralyǵy.
Bul rette jumys berýshilerge qoiylatyn kadrlarǵa jergilikti qamtylym jónindegi sharttardy saqtaý talaptary ózgermeidi, iaǵni: basshylar men olardyń orynbasarlary boiynsha keminde 70 %, mamandar men bilikti jumysshylar boiynsha keminde 90 %.
