Biylǵy jyly Qazaqstanǵa 11 myń oralman otbasy keldi. Bul 2015 jylmen salystyrǵanda 6 ese kóp. Bul týraly «Azamattyq qoǵam damýynyń jaǵdaiy jáne perspektivalary» taqyrybynda ótken forýmnyń plenarlyq otyrysynda Premer-Ministrdiń orynbasary Imanǵali Tasmaǵambetov habarlady.
«Sizderdiń nazarlaryńyzdy taǵy bir ózekti baǵyt – Qazaqstanǵa kelgen otandastarymyzdy áleýmettik beiimdeý máselesine aýdarǵym keledi. Munda da memleket pen ÚEU óz áleýetin durys qoldana almai otyr. Biylǵy jyly elimizge 11 myń otbasy kóship keldi. Bul 2015 jylmen salystyrǵanda 6 ese kóp. Otandastarymyz qujattardy rásimdeý, bilim alý, áleýmettik beidelý turǵysynda kómekke zárý bolyp otyr. Dál osy máselede ÚEU-nyń róli erekshe mańyzdy dep bilemin. Óitkeni, oralmandardy jańa qoǵamǵa ákimshilik mehanizmderdi qoldana otyryp beiimdeýge bolmaidy. Muny tek olardy birte-birte qoǵamdyq qurylymdarǵa tartý arqyly júzege asyrýǵa bolady», - dedi vitse-premer.
Sondai-aq, vitse-premer óńirlerdegi azamattyq qoǵam institýttarynyń damý problemasyn atap kórsetti.
«Jasyratyny joq, tanymal úkimettik emes uiymdar men olardyń kóshbasshylary eki ortalyqta – Almaty men Astana qalalarynda shoǵyrlanǵan. Búginde Almatynyń ózinde ǵana 6 myńǵa jýyq kommertsiialyq emes qoǵamdyq qurylymdar tirkelgen. Bul búkil respýblikadaǵy ÚEU sanynyń 40 paiyzyn quraidy», - dep atap ótti I. Tasmaǵambetov.
Sonymen qatar, Premer-Ministrdiń orynbasary Forým aiasynda qabyldanǵan barlyq usynymdar Úkimet tarapynan mindetti túrde qaralyp, sheshim qabyldaýda eskeriletinin málimdedi.
"Ult aqparat"
