«Qazaqstan temir joly» UK» aktsionerlik qoǵamynda QR Premer ministriniń birinshi orynbasary Asqar Maminniń tóraǵalyǵymen direktorlar keńesiniń otyrysy ótti, dep habarlaidy "Ult aqparat" kompaniianyń baspasóz qyzmetine silteme jasap.
Otyrysta «QTJ» UK» AQ 2017-2021 jyldarǵa arnalǵan Damý jospary bekitildi. 2016 jyly «Qazaqstan temir joly» UK» AQ-nyń taza tabysy 28 mlrd. teńgeni qurasa, kompaniianyń tasymaldaý men basqa da túrlerinen kirisi 2016 jyly 90 mlrd. teńge bolǵan.
Kompaniianyń 2017-2021 jyldarǵa arnalǵan damý josparynda biylǵy, 2017 jyly taza tabysty 29 mlrd. teńgege jetkizý kózdeldi. Al, tasymaldaý men basqa da qyzmetterden túsetin kirisin 2017 jyly 127 mlrd. teńgege jetkizý josparlanyp otyr.
2017 jyly kompaniianyń jalpy júk ainalymyn 188,7 mlrd. tonna-shaqyrymǵa jetkizý josparlanyp otyr.
2016 jyly jolaýshylar ainalymy 18057 mln. jolaýshy-km qurady. 2017 jyly jańa baǵdarlardyń iske qosylýyna orai, onyń ishinde EKSPO halyqaralyq kórmesi qarsańynda jolaýshylar ainalymy burynǵydan arta túsedi dep kútilýde.
2017 jyly QHR-EO elderine tranzittik konteinerlik tasymaldaý kólemi 230 myń JFE (jiyrma fýttyq ekvivalent) qurap, 2016 jylǵy kórsetkishten 2,2 esege artatyn bolady.
