«قازاقستان تەمٸر جولى» ۇك» اكتسيونەرلٸك قوعامىندا قر پرەمەر مينيسترٸنٸڭ بٸرٸنشٸ ورىنباسارى اسقار ماميننٸڭ تٶراعالىعىمەن ديرەكتورلار كەڭەسٸنٸڭ وتىرىسى ٶتتٸ, دەپ حابارلايدى "ۇلت اقپارات" كومپانييانىڭ باسپاسٶز قىزمەتٸنە سٸلتەمە جاساپ.
وتىرىستا «قتج» ۇك» اق 2017-2021 جىلدارعا ارنالعان دامۋ جوسپارى بەكٸتٸلدٸ. 2016 جىلى «قازاقستان تەمٸر جولى» ۇك» اق-نىڭ تازا تابىسى 28 ملرد. تەڭگەنٸ قۇراسا, كومپانييانىڭ تاسىمالداۋ مەن باسقا دا تٷرلەرٸنەن كٸرٸسٸ 2016 جىلى 90 ملرد. تەڭگە بولعان.
كومپانييانىڭ 2017-2021 جىلدارعا ارنالعان دامۋ جوسپارىندا بيىلعى, 2017 جىلى تازا تابىستى 29 ملرد. تەڭگەگە جەتكٸزۋ كٶزدەلدٸ. ال, تاسىمالداۋ مەن باسقا دا قىزمەتتەردەن تٷسەتٸن كٸرٸسٸن 2017 جىلى 127 ملرد. تەڭگەگە جەتكٸزۋ جوسپارلانىپ وتىر.
2017 جىلى كومپانييانىڭ جالپى جٷك اينالىمىن 188,7 ملرد. توننا-شاقىرىمعا جەتكٸزۋ جوسپارلانىپ وتىر.
2016 جىلى جولاۋشىلار اينالىمى 18057 ملن. جولاۋشى-كم قۇرادى. 2017 جىلى جاڭا باعدارلاردىڭ ٸسكە قوسىلۋىنا وراي, ونىڭ ٸشٸندە ەكسپو حالىقارالىق كٶرمەسٸ قارساڭىندا جولاۋشىلار اينالىمى بۇرىنعىدان ارتا تٷسەدٸ دەپ كٷتٸلۋدە.
2017 جىلى قحر-ەو ەلدەرٸنە ترانزيتتٸك كونتەينەرلٸك تاسىمالداۋ كٶلەمٸ 230 مىڭ جفە (جيىرما فۋتتىق ەكۆيۆالەنت) قۇراپ, 2016 جىلعى كٶرسەتكٸشتەن 2,2 ەسەگە ارتاتىن بولادى.
