Jer reformasy jónindegi 2016 jylǵy komisiianyń qabyldaǵan sheshimderi áli oryndalmaǵan nemese sapasyz oryndalǵan. Komissiianyń búgingi otyrysynda osyndai másele aityldy, dep habarlaidy "QazAqparat".
Komissiianyń ekonomikalyq máseleler jónindegi jumys tobyn basqaratyn Aqylbek Kúrishbaev tiisti ministrlikterden bul jolǵy komissiia otyrystarynda qabyldanatyn sheshimderge muqiiat qaraýdy surady.
«Komissiia músheleriniń nazaryna ekonomikalyq máseleler jónindegi jumys tobynyń otyrysynda talqylanǵan uiymdastyrý jumystarynyń problemalaryn jetkizgim keledi. Birinshiden, qazir biz qyzý talqylap jatqan birqatar suraq 2016 jyly jer reformasy jónindegi aldyńǵy komissiianyń jumysy sheńberinde qaralyp, sol kezdiń ózinde tiisti sheshimder qabyldanǵan bolatyn. Biraq búgingi kórip otyrǵanymyzdai, olar áli oryndalmaǵan nemese sapasyz oryndalǵan deńgeide qalyp otyr. Sondyqtan memlekettik organdardyń jer komissiiasy tarapynan beriletin usynystardy bul joly qalai oryndaityny bizdiń qatty alańdatady. Atalǵan máselelerge osy jinalysqa qatysyp otyrǵan ministrlikterdiń ókilderi nazar aýdarýy qajet dep esepteimiz. Eger biz birneshe jyldan keiin qaitadan jańa komissiia quryp, «baiaǵy jartas sol jartas» dep qaitadan osy suraqtarǵa oralsaq, búgingi qabyldanǵan sheshimderdiń qandai mańyzy bolmaq», - dedi jumys komissiia múshesi.
