2012 jyldan bastap 2020 jylǵa deiin memlekettik grant boiynsha aýyldyq kvotamen 22 625 jas maman oqýyn aiaqtady. Bul týraly Úkimet basshysy Asqar Mamin aitty, dep habarlaidy QazAqparat.
Aita keteiik, biyl qazan aiynda senator Aqylbek Kúrishbaev óziniń depýtattyq saýalynda aýyl jastarynyń joǵary bilimge qol jetkizý problemasyn aitty.
«2012 jyldan bastap aýyldyq kvota sheginde pedagogikalyq, meditsinalyq jáne veterinariialyq mamandyqtar boiynsha oqýǵa túsken túlekter úshin aýyldyq jerlerde úsh jyldyq jumyspen óteýge qatysty norma qoldanylady. Osy normanyń qoldanysy 2012 jyldan bastap 2020 jylǵa deiin memlekettik grant boiynsha aýyldyq kvotamen 22 625 jas maman oqýyn aiaqtady», - delingen Úkimet basshysynyń saýalǵa bergen jaýabynda.
Onyń aitýynsha, 2019 jyly 2285 jas maman oqýyn aiaqtaǵan, onyń 89,7%-y jumysqa ornalastyrylǵan, 2020 jyly 2043 adam oqýyn aiaqtap, sonyń 87,9%-y jumysqa turdy.
«Aýyl sharýashylyǵy» baǵyty boiynsha túlekterdi jumysqa ornalastyrý 2019 jyly - 65%-dy, 2020 jyly - 63,5%-dy qurady.
