2012 جىلدان باستاپ 2020 جىلعا دەيٸن مەملەكەتتٸك گرانت بويىنشا اۋىلدىق كۆوتامەن 22 625 جاس مامان وقۋىن اياقتادى. بۇل تۋرالى ٷكٸمەت باسشىسى اسقار مامين ايتتى, دەپ حابارلايدى قازاقپارات.
ايتا كەتەيٸك, بيىل قازان ايىندا سەناتور اقىلبەك كٷرٸشباەۆ ٶزٸنٸڭ دەپۋتاتتىق ساۋالىندا اۋىل جاستارىنىڭ جوعارى بٸلٸمگە قول جەتكٸزۋ پروبلەماسىن ايتتى.
«2012 جىلدان باستاپ اۋىلدىق كۆوتا شەگٸندە پەداگوگيكالىق, مەديتسينالىق جەنە ۆەتەرينارييالىق ماماندىقتار بويىنشا وقۋعا تٷسكەن تٷلەكتەر ٷشٸن اۋىلدىق جەرلەردە ٷش جىلدىق جۇمىسپەن ٶتەۋگە قاتىستى نورما قولدانىلادى. وسى نورمانىڭ قولدانىسى 2012 جىلدان باستاپ 2020 جىلعا دەيٸن مەملەكەتتٸك گرانت بويىنشا اۋىلدىق كۆوتامەن 22 625 جاس مامان وقۋىن اياقتادى», - دەلٸنگەن ٷكٸمەت باسشىسىنىڭ ساۋالعا بەرگەن جاۋابىندا.
ونىڭ ايتۋىنشا, 2019 جىلى 2285 جاس مامان وقۋىن اياقتاعان, ونىڭ 89,7%-ى جۇمىسقا ورنالاستىرىلعان, 2020 جىلى 2043 ادام وقۋىن اياقتاپ, سونىڭ 87,9%-ى جۇمىسقا تۇردى.
«اۋىل شارۋاشىلىعى» باعىتى بويىنشا تٷلەكتەردٸ جۇمىسقا ورنالاستىرۋ 2019 جىلى - 65%-دى, 2020 جىلى - 63,5%-دى قۇرادى.
