Memlekettik shekarany qorǵaý qyzmeti aiasynda shekarashylar ótken táýlikterde janarmai, halyq tutyný taýarlaryn, tipti eki júz totyqusty zańsyz ótkizý áreketiniń jolyn kesti, dep habarlaidy "Ult aqparat" Shekara qyzmetiniń baspasóz qyzmetine silteme jasap.
Atap aitqanda, Saryaǵash («B. Qonysbaev» jáne «Jibek joly» ótkizý beketteri) jáne Aqtóbe («Jaisan» beketi) ýchaskelerinde 1 500 litr dizel otyny men AI-92 markaly benzindi Qazaqstannan zańsyz alyp shyqpaq bolǵandar ustaldy.
Oral shekara jasaǵy ýchaskesinde 900 kg siyr etin, 3 000 000 teńgeniń qurylys materialdaryn, 20 tonna jemisti, 18 tonna qantty, Aqtóbe ýchaskesinde 100 kg toqyma ónimderin, 11,5 tonna kókónisti (qiiar, qyzanaq, piiaz) Qazaqstanǵa zańsyz alyp kirýge, sondai-aq Qostanai ýchaskesinde 31 tonnadan asatyn halyq tutynatyn taýarlardy alyp shyǵýǵa jol berilmedi.
Budan bólek, Qyrǵyz Respýblikasynan 200 totyqusty elge zańsyz jolmen alyp kirmek bolǵan 1975 jyly týǵan QR azamatshasy ustaldy.
