Soltústik Qazaqstan oblysynda KVI juqtyrǵandardyń ishinde syrttan kelýshiler kóbeigen, dep habarlaidy "Ult aqparat".
Koronavirýsqa qarsy vedomstvoaralyq komissiianyń málimetine sensek, syrttan indet juqtyryp ákelgenderdiń basym bóligi - Resei Federatsiiasynan kelgen Qazaqstan azamattary.
Máselen, 16 jeltoqsanda Reseimen shekaralas avtomobil joldaryndaǵy shekaralyq baqylaý beketterinen 502 adam ótken (Jańa jol beketi - 230 adam, Qaraqoǵa beketi - 223 adam, Bidaiyq beketi - 49 adam).
Jaiaý jolaýshylardyń 188-de PTR taldaýdyń teris nátijesi kórsetilgen anyqtama bolǵan.
Anyqtamasyz kelgen 25 Qazaqstan azamaty karantin statsionaryna jatqyzylyp, PTR ádisimen COVID-19-ǵa testilengen.
PTR testileý nátijesi boiynsha bir jolaýshydan koronavirýs infektsiiasy anyqtalǵan.
6 qazan men 16 jeltoqsan aralyǵynda Reseimen shekaralas avtomobil joldaryndaǵy UQK shekara baqylaý beketterinen 37 125 adam ótken.
Onyń ishinde 9 785 adamda PTR testileýdiń teris nátijesi kórsetilgen anyqtama bolǵan. 2 081 QR azamaty anyqtama bolmaǵandyqtan karantin statsionaryna jatqyzylǵan.
PTR nátijesinde 206 adamnyń COVID-19 juqtyrǵany anyqtalyp, 21 adam infektsiialyq statsionarǵa jatqyzylǵan jáne 185 adam ambýlatoriialyq jaǵdaida emdelýde.
Sonymen qatar, PTR-anyqtamasy joq 256 shetel azamatyna QR aýmaǵyna kirýine tyiym salyndy.
