Foto: Polisia.kz
Shyǵys Qazaqstan oblysynda jiyrma jyl buryn jasalǵan qylmystyń beti ashyldy, - dep habarlaidy ULT.kz Polisia.kz aqparattyq media-portalyna silteme jasap.
2004 jyldyń 22 qańtarynda Óskemen qalasyndaǵy úilerdiń birinen zorlyq belgileri bar er adamnyń máiiti tabylǵan edi. Tergeý barysynda bul qylmystyń izin jasyrý úshin kúdikti oqiǵa ornyn órtep jibergeni anyqtaldy. Sol kezde qylmystyq is qozǵalǵanymen, aiǵaqtardyń joiylýy men qylmyskerdiń izin sýytýy tergeý barysyn kúrdelendirdi.
"Alaida qansha jyl ótse de, politsiia qyzmetkerleri bul isti umytqan joq. Jedel ýákilder materialdardy qaita qarap, derekterdi taldap, qylmystyń tolyq kórinisin kezeń-kezeńimen qalpyna keltirdi. 2025 jyldyń aqpan aiynda qylmystyq is qaita jandanyp, jedel tergeý toby keshendi izdestirý sharalaryn júrgizdi. Nátijesinde kúdiktiniń izine túsý múmkin boldy", - deidi politseiler.
18 aqpanda sot sheshimimen kúdikti qamaýǵa alyndy. Qazirgi ýaqytta qylmystyń barlyq mán-jaiyn anyqtaýǵa baǵyttalǵan tergeý amaldary jalǵasýda. Bul – ádildik ornaitynyn dáleldeitin taǵy bir aiqyn mysal.
