Nur-Sultan qalasy boiynsha koronovirýs infektsiia boiynsha em qabyldap jatqan 25 azamattyń jaǵdaiy birqalypty. Bul týraly ákimdikte ótken brifingte Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova habarlady.
«Dene temperatýralary qalypty shamada, shaǵymdary joq. Osy naýqastarmen tyǵyz qarym qatynasta, iaǵni ushaqta birge bolǵan azamattar jáne otbasy músheleri anyqtaldy. Barlyq naýqastar dárigerlerliń qatań qadaǵalaýynda. Barlyq qajetti meditsinalyq kómek kórsetilip jatyr. Jas mólsherine qarai 1 adam - 18 jasqa deiin, 17 adam - 30 ben 49 jas aralyǵynda, 4 adam - 50-59 jas shamasynda, 3 naýqas - 18-29 jas aralyǵynda. 19 naýryzda tirkelgen 7 jaǵdaidyń ishinde 1 adam 18-shi naýryzdan bastap provizorlyq statsionarda, buryn anyqtalǵan jaǵdaimen jaqyn bailanysta boldy (17.03.2020 j.); 6 adam 19 naýryzda №1 statsionarǵa jatqyzyldy. KVI anyqtalǵan 6 patsientti aýrýhanaǵa jatqyzý barysynda 3 patsientte qurǵaq jótel, 2 sýbfebrildi dene qyzýy shaǵymdary boldy», - dedi S. Qisyqova.
Onyń aitýynsha, barlyq patsientterdiń jaǵdaiy jaqsy, dene temperatýrasy turaqtandy, emdeý diagnostika men emdeý hattamasyna sáikes júrgiziledi. Sońǵy 7 naýqas bailanysty málimet: Jaqyn bailanysta bolǵan 30 adam (otbasy músheleri) tabyldy jáne aýrýhanaǵa jatqyzyldy. 25 jaǵdai boiynsha, olarmen bailanysta bolǵan 244 adam aýrýhanaǵa jatqyzyldy, al 327 adam úi karantininde.
«Qazaqstan Respýblikasynda tótenshe jaǵdaidy engizý týraly» Qazaqstan Respýblikasy Prezidentiniń 2020 jylǵy 15 naýryzdaǵy № 285 Jarlyǵy, Nur-sultan qalasy aýmaǵynda shekteý is-sharalaryn engizý týraly qaýly negizinde barlyq densaýlyq saqtaý uiymdarynda karantin engizildi.
Atap aitqanda, statsionarda betperdelik rejimi engizildi, kelýshilerge tyiym salyndy. Shuǵyl jáne josparly emdeýge jatqyzý jalǵasýda. Alǵashqy meditsinalyq sanitarlyq kómek uiymdaryna keletin bolsaq, barlyq emhanalar shtattyq rejimde tańǵy 8.00-den keshki 20.00-ge deiin, sondai-aq demalys jáne mereke kúnderi jumys isteidi. Dárigerdiń qabyldaýyna jazylý jalǵasýda, diagnostika, zerthanalyq taldaýlardy tapsyrý aldyn ala jazbalar boiynsha júrgiziledi (jospar boiynsha). Josparly dárigerlik konsýltatsiialar distantsiialyq rejimge aýystyrylady. - múgedekterge dári-dármek berý úige jetkizý arqyly júzege asyrylady. - balalardy vaktsinatsiialaý egý kúntizbesiniń jospary boiynsha júrgiziledi. - júkti áielder josparly túrde aýrýhanaǵa jatqyzylady.
Ambýlatoriialyq-emhanalyq uiymdarda shuǵyl meditsinalyq kómek kórsetý jumysy kúsheitildi. Turǵyndar arasynda koronavirýstyq infektsiianyń bar-joǵyna ekspress-testileý júrgizý aldaǵy eki aptada josparlanǵan. Qazir KVI taratý osy máselede jaýapty jáne jumyldyrylǵan organdar men vedomstvolardyń baqylaýynda. Qazirgi ýaqytta KVI bolýyn diagnostikalaý tek PTsR jáne joǵary qaýipti tulǵalar toby jáne bekitilgen algoritmderge sáikes jaqyn bailanys ádisimen júrgiziledi.
