نۇر-سۇلتان قالاسى بويىنشا كورونوۆيرۋس ينفەكتسييا بويىنشا ەم قابىلداپ جاتقان 25 ازاماتتىڭ جاعدايى بٸرقالىپتى. بۇل تۋرالى ەكٸمدٸكتە ٶتكەن بريفينگتە نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا حابارلادى.
«دەنە تەمپەراتۋرالارى قالىپتى شامادا, شاعىمدارى جوق. وسى ناۋقاستارمەن تىعىز قارىم قاتىناستا, ياعني ۇشاقتا بٸرگە بولعان ازاماتتار جەنە وتباسى مٷشەلەرٸ انىقتالدى. بارلىق ناۋقاستار دەرٸگەرلەرلٸڭ قاتاڭ قاداعالاۋىندا. بارلىق قاجەتتٸ مەديتسينالىق كٶمەك كٶرسەتٸلٸپ جاتىر. جاس مٶلشەرٸنە قاراي 1 ادام - 18 جاسقا دەيٸن, 17 ادام - 30 بەن 49 جاس ارالىعىندا, 4 ادام - 50-59 جاس شاماسىندا, 3 ناۋقاس - 18-29 جاس ارالىعىندا. 19 ناۋرىزدا تٸركەلگەن 7 جاعدايدىڭ ٸشٸندە 1 ادام 18-شٸ ناۋرىزدان باستاپ پروۆيزورلىق ستاتسيوناردا, بۇرىن انىقتالعان جاعدايمەن جاقىن بايلانىستا بولدى (17.03.2020 ج.); 6 ادام 19 ناۋرىزدا №1 ستاتسيونارعا جاتقىزىلدى. كۆي انىقتالعان 6 پاتسيەنتتٸ اۋرۋحاناعا جاتقىزۋ بارىسىندا 3 پاتسيەنتتە قۇرعاق جٶتەل, 2 سۋبفەبريلدٸ دەنە قىزۋى شاعىمدارى بولدى», - دەدٸ س. قيسىقوۆا.
ونىڭ ايتۋىنشا, بارلىق پاتسيەنتتەردٸڭ جاعدايى جاقسى, دەنە تەمپەراتۋراسى تۇراقتاندى, ەمدەۋ دياگنوستيكا مەن ەمدەۋ حاتتاماسىنا سەيكەس جٷرگٸزٸلەدٸ. سوڭعى 7 ناۋقاس بايلانىستى مەلٸمەت: جاقىن بايلانىستا بولعان 30 ادام (وتباسى مٷشەلەرٸ) تابىلدى جەنە اۋرۋحاناعا جاتقىزىلدى. 25 جاعداي بويىنشا, ولارمەن بايلانىستا بولعان 244 ادام اۋرۋحاناعا جاتقىزىلدى, ال 327 ادام ٷي كارانتينٸندە.
«قازاقستان رەسپۋبليكاسىندا تٶتەنشە جاعدايدى ەنگٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2020 جىلعى 15 ناۋرىزداعى № 285 جارلىعى, نۇر-سۇلتان قالاسى اۋماعىندا شەكتەۋ ٸس-شارالارىن ەنگٸزۋ تۋرالى قاۋلى نەگٸزٸندە بارلىق دەنساۋلىق ساقتاۋ ۇيىمدارىندا كارانتين ەنگٸزٸلدٸ.
اتاپ ايتقاندا, ستاتسيوناردا بەتپەردەلٸك رەجيمٸ ەنگٸزٸلدٸ, كەلۋشٸلەرگە تىيىم سالىندى. شۇعىل جەنە جوسپارلى ەمدەۋگە جاتقىزۋ جالعاسۋدا. العاشقى مەديتسينالىق سانيتارلىق كٶمەك ۇيىمدارىنا كەلەتٸن بولساق, بارلىق ەمحانالار شتاتتىق رەجيمدە تاڭعى 8.00-دەن كەشكٸ 20.00-گە دەيٸن, سونداي-اق دەمالىس جەنە مەرەكە كٷندەرٸ جۇمىس ٸستەيدٸ. دەرٸگەردٸڭ قابىلداۋىنا جازىلۋ جالعاسۋدا, دياگنوستيكا, زەرتحانالىق تالداۋلاردى تاپسىرۋ الدىن الا جازبالار بويىنشا جٷرگٸزٸلەدٸ (جوسپار بويىنشا). جوسپارلى دەرٸگەرلٸك كونسۋلتاتسييالار ديستانتسييالىق رەجيمگە اۋىستىرىلادى. - مٷگەدەكتەرگە دەرٸ-دەرمەك بەرۋ ٷيگە جەتكٸزۋ ارقىلى جٷزەگە اسىرىلادى. - بالالاردى ۆاكتسيناتسييالاۋ ەگۋ كٷنتٸزبەسٸنٸڭ جوسپارى بويىنشا جٷرگٸزٸلەدٸ. - جٷكتٸ ەيەلدەر جوسپارلى تٷردە اۋرۋحاناعا جاتقىزىلادى.
امبۋلاتورييالىق-ەمحانالىق ۇيىمداردا شۇعىل مەديتسينالىق كٶمەك كٶرسەتۋ جۇمىسى كٷشەيتٸلدٸ. تۇرعىندار اراسىندا كوروناۆيرۋستىق ينفەكتسييانىڭ بار-جوعىنا ەكسپرەسس-تەستٸلەۋ جٷرگٸزۋ الداعى ەكٸ اپتادا جوسپارلانعان. قازٸر كۆي تاراتۋ وسى مەسەلەدە جاۋاپتى جەنە جۇمىلدىرىلعان ورگاندار مەن ۆەدومستۆولاردىڭ باقىلاۋىندا. قازٸرگٸ ۋاقىتتا كۆي بولۋىن دياگنوستيكالاۋ تەك پتسر جەنە جوعارى قاۋٸپتٸ تۇلعالار توبى جەنە بەكٸتٸلگەن الگوريتمدەرگە سەيكەس جاقىن بايلانىس ەدٸسٸمەن جٷرگٸزٸلەدٸ.
