Astana memlekettik qyzmet habyna qatysýshy elderdiń ýákiletti organdarynyń basshylary qazirgi jaǵdaida adam resýstaryn damytýdyń mańyzdylyǵyn atap kórsetti.
Búgin Astana mmlekettik qyzmet haby Koreia Respýblikasynyń Personaldy basqarý ministrligi, Qazaqstan Respýblikasy Memlekettik qyzmet isteri agenttigi jáne Qazaqstannyń HR qaýymdastyǵymen birlesip uiymdastyrýymen "Elektrondyq oqytý arqyly adami resýrstardy damytý: elderdiń tájiribesi" atty jahandyq onlain konferentsiia ótti, dep habarlaidy "Ult aqparat".
Konferentsiia jumysyna Eýropa, Aziia jáne Amerikanyń 20 elinen 200 sarapshylar, memlekettik qyzmetshiler men ǵalymdar qatysty.
Koreia Respýblikasynyń Personaldy basqarý ministri Kim Vý Hý óziniń quttyqtaý sózinde oqytý álemniń barlyq elderinde memlekettik qyzmetshilerdiń básekege qabilettiligin arttyrýda sheshýshi ról atqaratynyn atap ótti. Aqparattyq qoǵamǵa kóshý úrdisterine sáikes Koreia Respýblikasynda elektrondyq oqytýdy belsendi engizý 2000-shy jyldardan bastaldy. 2017 jyldan bastap barlyq oqý baǵdarlamalary Úkimettiń elektrondy oqytý platformasyna biriktirildi. Adami resýrstardyń jańa býynnyn damytý maqsatynda 2020 jyldan bastap elektrondy oqytýda jasandy intellekt tehnologiialary qoldanylýda jáne open smart platform ázirlenýde. Kim Vý Hý myrza "jylyna úsh júz alpys kún boiy derbes elektrondy oqytý júiesi kez-kelgen jerde, kez-kelgen ýaqytta " degen ustanymdy ustanatyndaryn atap ótti.
Qazaqstan Respýblikasy Memlekettik qyzmet isteri agenttiginiń tóraǵasy Anar Jaiylǵanova quttyqtaý sózinde Qazaqstannyń memlekettik qyzmeti pandemiiamen bailanysty daǵdarystyń syn-qaterlerin jedel jeńe otyryp, óziniń tiimdiligi men jumys jáne oqý protsesteriniń elektrondyq formattaryna beiimdelý qabiletin dáleldegenin atap ótti. Agenttik Tóraǵasy elektrondyq oqytý týraly aita kelip, "onlain oqytý formaty ótkiziletin seminarlardyń geografiiasyn keńeitýge múmkindik berdi", bul rette BUU Damý Baǵdarlamasy men Astana memlekettik qyzmet habynyń memlekettik qyzmetshilerdiń tsifrlyq daǵdylaryn damytý úshin oqytýdy uiymdastyrýdaǵy rólin atap ótti.
Astana memlekettik qyzmet haby Basqarýshy komitetiniń tóraǵasy Alihan Baimenov óz sózinde pandemiia saldarynan paida bolǵan jańa ahýal qazirgi zamanǵy tehnologiialardyń mańyzdylyǵyn aitarlyqtai arttyra otyryp, olardy qoldanýdy keńeitti dedi. Sonymen birge ol "búkil álemdegi memlekettik qyzmetshiler jumystyń jańa ádisterin meńgerýde, memlekettik qyzmetshilerdiń "ZOOM" býyny qalyptasýda dep aitýǵa bolady. Bul ózgerister jańa syn-qaterler týǵyzýda, sonymen birge HR menedjment úshin jańa múmkindikter ashýda. Osy rette e-learning oqytýdyń mańyzdylǵy da artýda"-dep oiyn jalǵastyrdy. Osyǵan bailanysty ol Habtyń seriktesterine jáne birqatar elderdiń úkimetterine ashyqtyǵy, óz bilimderi men tájiribesin basqa eldermen bólisýge ázirligi úshin alǵys aitty.
Konferentsiia barysynda Koreia Respýblikasy, Qazaqstan, Ýkraina, Ózbekstan jáne Estoniianyń Memlekettik qyzmet isteri jónindegi ýákiletti organdarynyń ókilderi men sarapshylary óz elderinde elektrondyq oqytý platformalaryn qurý jáne damytý tájiribesimen bólisip, osy baǵyttaǵy jańalyqtar týraly áńgimeledi. Spikerler elektrondy oqytýdyń mazmuny, formalary, ádisteriniń ártúrliligine jáne uzaqtyǵyna erekshe nazar aýdarylatyny týraly aitty. Sońǵy ýaqytta "micro-learning", iaǵni uzaqtyǵy 10-15 minýttyq beinesabaqtar keń taraýda. Bul rette elektrondy oqytýdyń qaýipsizdigi men turaqtylyǵy basyńqy baǵyt ekenide atalyp ótti.
Atalǵan elderdiń tájiribesi konferentsiiaǵa qatysýshylardyń qyzyǵýshylyǵyn týdyrdy, sebebi Covid-19 jaǵdaiynda búkil álemde memlekettik qyzmettiń áleýetin arttyrýda elektrondyq oqytýdyń mańyzy aitarlyqtai ósti.
Barlyq spikerler, sondai-aq, Astana memlekettik qyzmet habynyń ozyq tájiribelerdi ilgeriletýdegi, qatysýshy elder, áriptester jáne sarapshylar qaýymdastyǵy arasynda tájiribe almasýdaǵy rólin erekshe atap ótti.
Astana memlekettik qyzmet haby qatysýshy elderdegi memlekettik organdardyń memlekettik qyzmetshileriniń áleýetin arttyrýǵa jáne Covid-19 jaǵdaiynda olardyń qyzmetiniń tiimdiligin arttyrý quraldaryn izdeýge baǵyttalǵan kúsh-jigerin qoldaý boiynsha belsendi jumys júrgizýdi jalǵastyrýda.
