Foto: ashyq derekkóz
Almaty qalasy boiynsha Qarjylyq monitoring agenttigi men qalalyq prokýratýrasynyń málimetinshe, «Creditum», «Sofi Finance», «Hava Finance», «SF Offline», «POS Credit», «Sálem Kredit» sekildi mikroqarjy uiymdarynyń basshylaryna alaiaqtyq pen zańsyz kásipkerlik faktileri boiynsha tergeý júrip jatyr, dep habarlaidy Ult.kz.
MQU zańsyz áreketteriniń saldarynan 327 myńnan astam azamatqa keltirilgen shyǵyn kólemi 30 mlrd teńgeni quraidy. Qaryz alýshylar tólem keshiktirgeni úshin Hava.kz, Koke.kz Tengo.kz platformalary arqyly kepil sharttaryna qol qoiyp, keibir qyzmetter úshin nesie somasynan 3-5 ese artyq aqsha tólegen.
Mikroqarjy uiymdastyrýshysy 2 aiǵa qamaýǵa alyndy. Esepshottaryna 1,8 mlrd teńge, al nesie portfeline 30 mlrd teńge kóleminde shekteý qoiyldy.
Jalpy quny 225 mln teńge kólemindegi 2 turǵyn úii men BMW X6 jáne Toyota Tundra kólikterine de tyiym salyndy.
