«Atameken» ulttyq kásipkerler palatasynyń basqarma tóraǵasy Abylai Myrzahmetov 2 tamyzdan bastap Ashyq júiesinde qandai nysandar jumys isteitinin aityp berdi, dep habarlaidy QazAqparat.
«Aldyńǵy qaýlyda Nur-Sultan boiynsha kinoteatrlar, fitnes-ortalyqtar jumys istemegen edi. Endi 2 tamyzdan bastap Ashyq júiesinde olardyń qyzmetine ruqsat etiledi, sonymen birge biliard, kompiýter klýbtary jumys istei bastaidy», - dedi spiker Ortalyq kommýnikatsiialar qyzmetinde.
Onyń aitýynsha, qoldanystaǵy shekteýlerdi lokdaýn dep ataýǵa bolmaidy.
«Bul sózsiz shekteýler ǵana. Ázirge olardy «demalystaǵy shekteýler» dep ataimyz. Is júzinde Ashyq júiesi barlyǵyna jumys isteý quqyǵyn berip otyr. Árine, demalys kúnderi biznes shyǵynǵa ushyraidy, biraq ony tótenshe jaǵdai nemese lokdaýn dep ataýǵa, 42 500 tóleý kerek deýge zańdy negiz joq. Biznes te ózderi jumys istegeni durys ekenin túsinedi. Shekteýler kesirinen tabystyń azaiatyny túsinikti. Alaida olar bes kún jumys isteidi. Ázirge shekteýler bir aptaǵa ǵana salynady. Bir aptadan keiin jaǵdai jaqsarady dep oilaimyn. Eger siz Ashyq jobasynda boslańyz, erkin jumys istei alasyz. Kóptegen kásipkerler keshki ýaqytta negizgi tabys túsetinin aitty. Eń bastysy – bul uzaq merzimdi shekteý emes. Bir aptadan keiin jumys isteý múmkindigin qarastyryp kóreiik, eger jaǵdai turaqtansa, tamyz aiynyń ortasynda sharalar qabyldanady», - dep túsindirdi Abylai Myrzahmetov.
