«اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ 2 تامىزدان باستاپ Ashyq جٷيەسٸندە قانداي نىساندار جۇمىس ٸستەيتٸنٸن ايتىپ بەردٸ, دەپ حابارلايدى قازاقپارات.
«الدىڭعى قاۋلىدا نۇر-سۇلتان بويىنشا كينوتەاترلار, فيتنەس-ورتالىقتار جۇمىس ٸستەمەگەن ەدٸ. ەندٸ 2 تامىزدان باستاپ Ashyq جٷيەسٸندە ولاردىڭ قىزمەتٸنە رۇقسات ەتٸلەدٸ, سونىمەن بٸرگە بيليارد, كومپيۋتەر كلۋبتارى جۇمىس ٸستەي باستايدى», - دەدٸ سپيكەر ورتالىق كوممۋنيكاتسييالار قىزمەتٸندە.
ونىڭ ايتۋىنشا, قولدانىستاعى شەكتەۋلەردٸ لوكداۋن دەپ اتاۋعا بولمايدى.
«بۇل سٶزسٸز شەكتەۋلەر عانا. ەزٸرگە ولاردى «دەمالىستاعى شەكتەۋلەر» دەپ اتايمىز. ٸس جٷزٸندە Ashyq جٷيەسٸ بارلىعىنا جۇمىس ٸستەۋ قۇقىعىن بەرٸپ وتىر. ەرينە, دەمالىس كٷندەرٸ بيزنەس شىعىنعا ۇشىرايدى, بٸراق ونى تٶتەنشە جاعداي نەمەسە لوكداۋن دەپ اتاۋعا, 42 500 تٶلەۋ كەرەك دەۋگە زاڭدى نەگٸز جوق. بيزنەس تە ٶزدەرٸ جۇمىس ٸستەگەنٸ دۇرىس ەكەنٸن تٷسٸنەدٸ. شەكتەۋلەر كەسٸرٸنەن تابىستىڭ ازاياتىنى تٷسٸنٸكتٸ. الايدا ولار بەس كٷن جۇمىس ٸستەيدٸ. ەزٸرگە شەكتەۋلەر بٸر اپتاعا عانا سالىنادى. بٸر اپتادان كەيٸن جاعداي جاقسارادى دەپ ويلايمىن. ەگەر سٸز Ashyq جوباسىندا بوسلاڭىز, ەركٸن جۇمىس ٸستەي الاسىز. كٶپتەگەن كەسٸپكەرلەر كەشكٸ ۋاقىتتا نەگٸزگٸ تابىس تٷسەتٸنٸن ايتتى. ەڭ باستىسى – بۇل ۇزاق مەرزٸمدٸ شەكتەۋ ەمەس. بٸر اپتادان كەيٸن جۇمىس ٸستەۋ مٷمكٸندٸگٸن قاراستىرىپ كٶرەيٸك, ەگەر جاعداي تۇراقتانسا, تامىز ايىنىڭ ورتاسىندا شارالار قابىلدانادى», - دەپ تٷسٸندٸردٸ ابىلاي مىرزاحمەتوۆ.
