Foto: ashyq derekkóz
Qarjylyq monitoring agenttiginiń Soltústik Qazaqstan oblysy boiynsha departamenti Petropavl qalasynda avtojol ótpejolyn salýǵa bólingen biýdjet qarajatyn jymqyrý deregi boiynsha tergep-tekserý júrgizýde, dep habarlaidy Ult.kz.
Anyqtalǵandai, 2023 jyldyń tamyz aiynda qala ákimdiginiń «Turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi» KMM men «BÝKA» JShS arasynda jalpy quny 5,4 mlrd teńgege kelisimshart jasalǵan.
Alaida merdiger uiym qurylys jumystaryn belgilengen merzimde oryndamai, kesteden júieli túrde keshikken. Tergeý nusqasyna sáikes, kompaniia direktory tapsyrys berýshi taraptyń laýazymdy tulǵalarymen aldyn ala sóz bailasyp, naqty oryndalmaǵan jumystardy oryndaldy dep kórsetken jalǵan aktilerdi rásimdegen.
Osy qujattardyń negizinde merdigerdiń shotyna biýdjet qarajaty negizsiz aýdarylǵan. Nátijesinde memleketke 2 mlrd teńgeden astam zalal keltirilgeni aityldy.
Sot sanktsiiasymen jalpy quny 270 mln teńgeden asatyn 24 avtokólik pen arnaiy tehnikaǵa tyiym salyndy. Kúdiktige qatysty qamaýda ustaý túrindegi bultartpaý sharasy qoldanylǵan.
Qazirgi ýaqytta tergeý amaldary jalǵasýda. QR Qylmystyq-protsestik kodeksiniń 201-babyna sáikes ózge málimetter jariia etilmeidi.
