Foto: Pexels.com
Qarjylyq monitoring agenttigi Sot saraptamalary ortalyǵynyń laýazymdy tulǵalary men merdiger uiym basshysyna qatysty 2 mlrd teńgeden astam biýdjet qarajatyn jymqyrý faktisi boiynsha sotqa deiingi tergeý isin tirkedi, dep habarlaidy Ult.kz.
«Sot saraptamalary ortalyǵynyń laýazymdy tulǵalary múddeli toppen aldyn-ala kelisip, jalǵan kommertsiialyq usynystar arqyly jabdyqtyń qunyn 3 ese arttyrǵan. Budan bólek, memlekettik satyp alý konkýrsyn ótkizý kezinde zań buzylǵan», - delingen aqparatta.
Jalpy quny 148 mln teńgeden asatyn Almaty qalasyndaǵy 2 jer telimi, Astana qalasyndaǵy páter jáne BMW H6 men RAV 4 avtokólikterine tyiym salyndy.
Bank esepshotyndaǵy 1,6 mlrd teńge, 367 myń AQSh dollary jáne 366 myń eýro somasyndaǵy kompaniianyń aqsha qarajaty buǵattaldy.
Quqyqtyq saraptama ortalyǵynyń direktory, memlekettik satyp alý departamentiniń basshysy jáne JShS basshysy ustalyp, sot olardy 2 aiǵa qamaýda ustaý jóninde sheshim qabyldady.
