Sýret: pixabay
2 aqpan Ulttyq basylym kúni bolyp bekitildi. Bul týraly Aqparat jáne qoǵamdyq damý ministri Darhan Qadyráli habarlady.
"Qadirli dostar! Jaǵymdy jańalyǵymyz bar. 2 aqpan Ulttyq basylym kúni bolyp bekitildi.
Bastaýynda Ahmet Baitursynuly, Álihan Bókeihanov, Mirjaqyp Dýlatuly sekildi ult ziialylary turǵan "Qazaq" gazetiniń alǵashqy nómiri osydan 110 jyl buryn, 2 aqpan kúni jaryq kórgeni belgili. Alash ardaqtylarynyń qoltańbasy qalǵan gazet ulttyq renessanstyń qainar kózine ainalyp, halqymyzdyń aqyl-oiyn, sana-sezimin bólek arnaǵa burdy.
Memleket basshysy buǵan deiin Qazaq radiosynyń 100 jyldyǵy aiasynda 1 qazandy Radio qyzmetkerleri kúni dep resmi túrde bekitken edi. Endi mine, jýrnalister qaýymy úshin taǵy bir ataýly kún belgilenip otyr.
Baspasóz salasynda eseli eńbek etip, qalam terbep júrgen barsha áriptesterimizdi ulttyq baspasóz kúniniń belgilenýimen quttyqtaimyn!" - dep jazdy ol Facebook-paraqshasynda.
