Foto: ashyq derekkózden
Zańsyz balyq aýlaý elimizdegi ózekti problemalardyń biri ekeni belgili. Osyǵan orai jyl saiyn «Bekire -2024» aktsiiasy ótkiziledi. Aktsiianyń maqsaty balyqtardyń ýyldyryq shashatyn jerlerge kedergisiz kóshýi úshin qolaily jaǵdailar jasaý.
Biylǵy jyly shara 1 sáýiri men 31 mamyry aralyǵynda ótkizilgen eken. «Bekire-2024» aktsiiasy barysynda tabiǵatty qorǵaý zańnamasyn buzýdyń 945 jaǵdaiy anyqtalypty.
"Barlyq ekologiialyq quqyq buzýshylyqtar jáne qylmystar adammnyń qolymen jasalady. Sol sebepti ortaq úiimiz, tabiǵatqa janashyrlyqpen qarap azamattyq belsendilikti tanytýǵa shaqyramyn. Brakonerlikpen búgingi tabylǵan paida erten balalarymyzǵa kesirin tigizedi. Eger quqyq buzýshylyq kýágeri bolsańyz jedel shara qoldaný úshin kópke uzatpai ýákiletti organdarǵa aqparatty joldaýyńyzdy suraimyn", -deidi QR IIM Ákimshilik politsiia komitetiniń erekshe tapsyrmalary jónindegi aǵa inspektory Álisher Jarmaǵambetov.
Aktsiia barysynda Atyraý oblysynyń quqyq qorǵaý jáne tabiǵat qorǵaý organdarymen Isatai, Jylyoi jáne Qurmanǵazy aýdandary, Damba baǵyty, sondai-aq «Aqjaiyq» memlekettik tabiǵi rezervatynyń Kaspii shegindegi Jaiyq ózeniniń akvatoriialary siiaqty siiaqty eń kriminogendi ýchaskeler pysyqtaldy, -dep otyr mamandar.
Aktsiiaǵa mamandandyrylǵan tabiǵat qorǵaý prokýratýrasynyń qyzmetkerleri, UQK Shekara qyzmetiniń áskeri qyzmetshileri, politsiia, departamentiniń kóliktik baqylaý inspektsiiasy jáne rezervat qyzmetkerleri qatysypty.
Derek boiynsha, 2024 jylǵy ýyldyryq shashý kezeńi bastalǵannan beri baqylaýdaǵy sý aidyndarynda Balyq sharýashylyǵy komitetiniń oblysaralyq basseindik inspektsiialary ákimshilik quqyq buzýshylyq týraly 848 hattama jasady, onyń ishinde 134material ákimshilik jaýapkershilikke tartý úshin 383-bap 3,4-bap jáne 389-bap 1,2-bap boiynsha sot organdaryna jiberildi.
Balyq aýlaý erejelerin óreskel buzýǵa jol bergeni úshin quqyq qorǵaý organdaryna qylmystyq is qozǵaý úshin 5 jeke tulǵaǵa qatysty 3 material jiberildi.
Buzýshylardan memleket kirisine 2 784 tonna zańsyz aýlanǵan balyq, 286 aýlaý quraly, sondai-aq 16 júzý quraly tárkilendi.
14 mln. teńgeden astam somaǵa aiyppul salyndy. Balyq resýrstaryna keltirilgen zalal úshin 4,1 mln. teńge somasyna talap qoiyldy.
