فوتو: اشىق دەرەككٶزدەن
زاڭسىز بالىق اۋلاۋ ەلٸمٸزدەگٸ ٶزەكتٸ پروبلەمالاردىڭ بٸرٸ ەكەنٸ بەلگٸلٸ. وسىعان وراي جىل سايىن «بەكٸرە -2024» اكتسيياسى ٶتكٸزٸلەدٸ. اكتسييانىڭ ماقساتى بالىقتاردىڭ ۋىلدىرىق شاشاتىن جەرلەرگە كەدەرگٸسٸز كٶشۋٸ ٷشٸن قولايلى جاعدايلار جاساۋ.
بيىلعى جىلى شارا 1 سەۋٸرٸ مەن 31 مامىرى ارالىعىندا ٶتكٸزٸلگەن ەكەن. «بەكٸرە-2024» اكتسيياسى بارىسىندا تابيعاتتى قورعاۋ زاڭناماسىن بۇزۋدىڭ 945 جاعدايى انىقتالىپتى.
"بارلىق ەكولوگييالىق قۇقىق بۇزۋشىلىقتار جەنە قىلمىستار اداممنىڭ قولىمەن جاسالادى. سول سەبەپتٸ ورتاق ٷيٸمٸز, تابيعاتقا جاناشىرلىقپەن قاراپ ازاماتتىق بەلسەندٸلٸكتٸ تانىتۋعا شاقىرامىن. براكونەرلٸكپەن بٷگٸنگٸ تابىلعان پايدا ەرتەن بالالارىمىزعا كەسٸرٸن تٸگٸزەدٸ. ەگەر قۇقىق بۇزۋشىلىق كۋەگەرٸ بولساڭىز جەدەل شارا قولدانۋ ٷشٸن كٶپكە ۇزاتپاي ۋەكٸلەتتٸ ورگاندارعا اقپاراتتى جولداۋىڭىزدى سۇرايمىن", -دەيدٸ قر ٸٸم ەكٸمشٸلٸك پوليتسييا كوميتەتٸنٸڭ ەرەكشە تاپسىرمالارى جٶنٸندەگٸ اعا ينسپەكتورى ەلٸشەر جارماعامبەتوۆ.
اكتسييا بارىسىندا اتىراۋ وبلىسىنىڭ قۇقىق قورعاۋ جەنە تابيعات قورعاۋ ورگاندارىمەن يساتاي, جىلىوي جەنە قۇرمانعازى اۋداندارى, دامبا باعىتى, سونداي-اق «اقجايىق» مەملەكەتتٸك تابيعي رەزەرۆاتىنىڭ كاسپيي شەگٸندەگٸ جايىق ٶزەنٸنٸڭ اكۆاتورييالارى سيياقتى سيياقتى ەڭ كريمينوگەندٸ ۋچاسكەلەر پىسىقتالدى, -دەپ وتىر ماماندار.
اكتسيياعا مامانداندىرىلعان تابيعات قورعاۋ پروكۋراتۋراسىنىڭ قىزمەتكەرلەرٸ, ۇقك شەكارا قىزمەتٸنٸڭ ەسكەري قىزمەتشٸلەرٸ, پوليتسييا, دەپارتامەنتٸنٸڭ كٶلٸكتٸك باقىلاۋ ينسپەكتسيياسى جەنە رەزەرۆات قىزمەتكەرلەرٸ قاتىسىپتى.
دەرەك بويىنشا, 2024 جىلعى ۋىلدىرىق شاشۋ كەزەڭٸ باستالعاننان بەرٸ باقىلاۋداعى سۋ ايدىندارىندا بالىق شارۋاشىلىعى كوميتەتٸنٸڭ وبلىسارالىق باسسەيندٸك ينسپەكتسييالارى ەكٸمشٸلٸك قۇقىق بۇزۋشىلىق تۋرالى 848 حاتتاما جاسادى, ونىڭ ٸشٸندە 134ماتەريال ەكٸمشٸلٸك جاۋاپكەرشٸلٸككە تارتۋ ٷشٸن 383-باپ 3,4-باپ جەنە 389-باپ 1,2-باپ بويىنشا سوت ورگاندارىنا جٸبەرٸلدٸ.
بالىق اۋلاۋ ەرەجەلەرٸن ٶرەسكەل بۇزۋعا جول بەرگەنٸ ٷشٸن قۇقىق قورعاۋ ورگاندارىنا قىلمىستىق ٸس قوزعاۋ ٷشٸن 5 جەكە تۇلعاعا قاتىستى 3 ماتەريال جٸبەرٸلدٸ.
بۇزۋشىلاردان مەملەكەت كٸرٸسٸنە 2 784 توننا زاڭسىز اۋلانعان بالىق, 286 اۋلاۋ قۇرالى, سونداي-اق 16 جٷزۋ قۇرالى تەركٸلەندٸ.
14 ملن. تەڭگەدەن استام سوماعا ايىپپۇل سالىندى. بالىق رەسۋرستارىنا كەلتٸرٸلگەن زالال ٷشٸن 4,1 ملن. تەڭگە سوماسىنا تالاپ قويىلدى.
