19 jastaǵy Madinanyń qaitys bolýyna qatysty áleýmettik jelide túrli aqparat taraǵan edi, dep habarlaidy ult.kz.
Kei jazbalarda jas kelinshek kúieýimen «Barni» táttisine bailanysty janjaldasyp, keiin kóz jumdy degen aqparat aitylǵan.
Oqiǵanyń mán-jaiyn anyqtaý maqsatynda jýrnalist Rýslan Ótepbai marqumnyń otbasymen kezdesip, jaqyndarymen sóilesken.
Aitylǵan málimetterge sáikes, Madinanyń ólimine bir ǵana janjal sebep bolmaǵan bolýy múmkin. Marqumnyń qurbylarynyń sózinshe, jas kelinshek otbasylyq ómirinde qiyndyqtarǵa tap bolǵan. Olardyń aitýynsha, kúieýi Madinaǵa jii daýys kóterip, qol jumsaǵan.
Jaqyndarynyń paiymynsha, 19 jastaǵy qyzdyń qazasyna alyp kelgen jaǵdai uzaq ýaqytqa sozylǵan otbasylyq túsinispeýshiliktermen bailanysty bolýy múmkin.
Marqumnyń otbasy bul oqiǵanyń shynaiy mán-jaiy tolyq anyqtalyp, kináliler jaýapqa tartylýyn qalaidy.
Oqiǵaǵa qatysty ózge de málimetter jýrnalist Rýslan Ótepbaidyń YouTube arnasynda jariialanatyn suhbatta aitylmaq.
