Koronavirýsqa qarsy vaktsinatsiia azamattardyń kelisimimen erikti túrde jasalady jáne 18 jasqa tolmaǵan balalarǵa ekpe salynbaidy. Bul týraly Densaýlyq saqtaý ministrligi habarlady.
Búgin Densaýlyq saqtaý ministrligine QR DSM sanitarlyq-epidemiologiialyq baqylaý komitetiniń ókilderi mektep jasyndaǵy balalardy vaktsinatsiialaý máseleleri boiynsha azamattardyń ótinishine bailanysty COVID-19 vaktsinatsiiasynyń tártibi men erejesin túsindirdi.
«Halyq densaýlyǵy týraly» Kodekstiń 77-baby negizinde kez kelgen ekpe, onyń ishinde koronavirýs infektsiiasyna qarsy vaktsinatsiia erikti túrde júzege asyrylady. Azamattar vaktsinatsiiadan jazbasha túrde bas tartýǵa quqyly.
18 jasqa tolmaǵan balalar men 65 jastan asqan adamdarǵa vaktsinanyń tiimdiligi men qaýipsizdigi týraly málimet joq, sondyqtan bul jastaǵylarǵa ekpe salynbaidy.
KVI-ge qarsy vaktsinatsiia epidemiologiialyq mańyzdylyǵyn eskere otyryp, kezeń-kezeńimen tegin meditsinalyq kómektiń kepildik berilgen kólemi sheńberinde júrgiziledi.
1 aqpanda bastalatyn birinshi kezeńde infektsiialyq aýrýhana, jedel meditsinalyq járdem, reanimatsiia jáne qabyldaý bólmeleri, sanepidqyzmettiń meditsina qyzmetkerleri vaktsinatsiialana alady.
1 naýryzda bastalatyn ekinshi kezeńde jalpy bilim beretin mektepterdiń, JOO-dyń, pedagogter, meditsinalyq qyzmet qyzmetkerleri.
1 sáýirden bastap úshinshi kezeńde: mektep-internattardyń, mektepke deiingi balalar mekemeleriniń pedagogtary, stýdentter jáne sozylmaly aýrýlary bar adamdar egý saldyrady.
