Foto: Altainews.kz
18 naýryz – ulttyq kiimge arnalady. San ǵasyrlar boiy qazaqtyń ulttyq kiimi qarapaiymdylyǵymen jáne utymdylyǵymen erekshelenedi.
Ulttyq stil ulttyq minez pen ult birligin aishyqtai otyryp, el mádenieti men tarihynyń ajyramas bóligine ainaldy.
Naýryz meiramyn toilaýǵa qazaq halqy erte zamannan beri muqiiat daiyndalǵan. Qyzdar men áielder merekede ádemi, ashyq tústi kóilek pen qamzol kigen. Baskiimderi jasyna qarai ózgerip otyrǵan: qyzdardyń úki qaýyrsynymen bezendirilgen kesteli taqiiasy, al jas kelinderdiń úki taǵylyp, kúmis tiynmen nemese tastarmen bezendirilgen shoshaq baskiimi – sáýkelesi bolǵan.
Jasy úlken áielder basy men moinyn jaýyp turatyn, kestemen áshekeilengen aq kimeshek kiedi.
Qazaq áielderiniń kiim úlgisinde zergerlik buiymdardyń alatyn orny erekshe. Olardy qyzdar da, áielder de taǵady. Zergerlik buiymdar tazartýshylyq qasieti bar asyl metall kúmisten jasalady. Qyzdar syrǵa, sholpy taǵyp, burymyna shashbaý qosyp óredi, jasy úlken áielder syrǵa, saqina, bilezik, alqa jáne basqa da áshekeilerin taǵady. Qazaq áielderiniń jasyn, mártebesin jáne turatyn jerin áshekeileri arqyly bilýge bolady.
Er adamdar keń jeide men shalbar, belbeýli shapan, basyna taqiia nemese qundyz bórik kiedi.
