Foto: Almaty ákimdiginiń baspasóz qyzmeti
18 naýryz – Ulttyq kiim kúni, dep habarlaidy «Ult aqparat».
Bul kún ulttyq kiimge arnalady. San ǵasyrlar boiy qazaqtyń ulttyq kiimi qarapaiymdylyǵymen jáne utymdylyǵymen erekshelenedi.
Ulttyq kiim úlgisinde paidalanylatyn bylǵary, jún, kiiz, mata siiaqty tabiǵi materialdar, asyl tastar men metaldar adamǵa jylýlyq pen jailylyq syilaýmen qatar, kiim iesiniń ataq-dárejesin, bailyǵyn kórsetetin.
Qazirgi modernizatsiia dáýirinde ulttyq kiim óz mánin joimai, burynǵy dástúrler men zamanaýi úrdisterdi úilestire otyryp, jańa interpretatsiiaǵa ie boldy. Ulttyq stil ulttyq minez pen ult birligin aishyqtai otyryp, el mádenieti men tarihynyń ajyramas bóligine ainaldy.
Ulttyq kiim kúni – kiim úlgisi arqyly ár adamǵa óz daralyǵyn bildirýge, sonymen qatar Qazaqstannyń birligi men mádeni áralýandyǵyn tanytýǵa múmkindik beredi.
