Tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbek «kz», «qaz» domen ataýlaryn Qazaqstan aýmaǵyna aýystyrý jumysy týraly aityp berdi, dep habarlaidy QazAqparat.
Spikerdiń aitýynsha, qazir Qaznette 175 myńnan astam birinshi deńgeidegi «kz» jáne «qaz» domen ataýlary bar, onyń 99 632-si jumys istep tur.
«Monitoring nátijesi boiynsha, 2020 jyly qazanda TsDIAÓM Aqparattandyrý týraly zańnama talaptaryn saqtaý maqsatynda «Qazaq jelilik aqparat ortalyǵy» mekemesine habarlama jiberdi jáne 45 myńnan astam tirkeýshig e kórsetilgen talaptardyń buzylǵany jáne olardy 30 qarashaǵa deiin túzetý kerektigi eskertildi. Ministrlikke domen ielerinen osy talaptyń oryndalý merzimin aýystyrý týraly shaǵymdar men ótinishter túse bastady. Ministrlik barlyq aspektilerdi nazarǵa alyp, talapty oryndaý merzimin 2021 jylǵy 1 aqpanǵa deiin uzartýdy uiǵardy. Qazirgi ýaqytta 45 myń domendik ataýdyń 18 623-i qaldy, is júzinde ekiden bir bóligi qazaqstandyq hostingke «kóshti», - dedi A. Orazbek Ortalyq kommýnikatsiialar qyzmetinde ótken brifingte.
