Nur-Sultan qalasynyń bas sanitar dárigeri Janna Pralieva 18 mamyrdan elordada jumysy jandanatyn nysandar týraly aitty, dep habarlaidy QazAqparat.
«18 mamyrdan qoǵamdyq tamaqtaný nysandarynyń jumysyna ruqsat etiledi. Bul rette 50 orynǵa deiingi jobalyq kólemdegi dámhanalar, meiramhanalar qamtylady, sondai-aq daladaǵy jazǵy dámhanalar eskeriledi. Munymen qosa, balabaqshalardaǵy kezekshi toptardyń, jeke sabaqtar úshin balalardyń korrektsiialyq kabinetteriniń jumysy qarastyrylǵan», - dedi D. Pralieva onlain baspasóz máslihatynda.
Onyń sózine qaraǵanda, halyqqa qyzmet kórsetý ortalyqtaryn ashý qarastyrylyp jatyr.
Janna Pralievanyń atap ótýinshe, koronavirýstyń taralýynyń deńgeii bes paiyzdan aspaityn kórsetkishte saqtalsa ǵana atalǵan nysandar jumysyn bastai alady.
