نۇر-سۇلتان قالاسىنىڭ باس سانيتار دەرٸگەرٸ جاننا پراليەۆا 18 مامىردان ەلوردادا جۇمىسى جانداناتىن نىساندار تۋرالى ايتتى, دەپ حابارلايدى قازاقپارات.
«18 مامىردان قوعامدىق تاماقتانۋ نىساندارىنىڭ جۇمىسىنا رۇقسات ەتٸلەدٸ. بۇل رەتتە 50 ورىنعا دەيٸنگٸ جوبالىق كٶلەمدەگٸ دەمحانالار, مەيرامحانالار قامتىلادى, سونداي-اق دالاداعى جازعى دەمحانالار ەسكەرٸلەدٸ. مۇنىمەن قوسا, بالاباقشالارداعى كەزەكشٸ توپتاردىڭ, جەكە ساباقتار ٷشٸن بالالاردىڭ كوررەكتسييالىق كابينەتتەرٸنٸڭ جۇمىسى قاراستىرىلعان», - دەدٸ د. پراليەۆا ونلاين باسپاسٶز مەسليحاتىندا.
ونىڭ سٶزٸنە قاراعاندا, حالىققا قىزمەت كٶرسەتۋ ورتالىقتارىن اشۋ قاراستىرىلىپ جاتىر.
جاننا پراليەۆانىڭ اتاپ ٶتۋٸنشە, كوروناۆيرۋستىڭ تارالۋىنىڭ دەڭگەيٸ بەس پايىزدان اسپايتىن كٶرسەتكٸشتە ساقتالسا عانا اتالعان نىساندار جۇمىسىن باستاي الادى.
