Búgin QR Premer-Ministriniń orynbasary E. Toǵjanovtyń tóraǵalyǵymen ótken Koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysynda ekonomika salalaryn qalpyna keltirýge jáne halyqty jumyspen qamtýǵa baǵyttalǵan birqatar naqty sheshimder qabyldandy, dep habarlaidy "Ult aqparat" primeminister.kz-ke silteme jasap.
2020 jylǵy 13 mamyrdan bastap Shymkent, Aqtaý, Oral, Jezqazǵan, Balqash, Úrjar, Zaisan qalalaryna áýe reisteri ashylady.
2020 jylǵy 18 mamyrdan bastap sanitarlyq talaptarǵa sai jumys isteýge ruqsat beriledi:
- qonaq úilerge;
- syiymdylyǵy 30 adamdyq orynǵa deiingi qoǵamdyq tamaqtaný obektilerine;
- taza aýada qyzmet kórsetetin qoǵamdyq tamaqtaný obektileriniń jazǵy alańdaryna;
Sonymen qatar, aǵymdaǵy jylǵy 18 mamyrdan bastap jalpy ǵimarat kóleminiń 30 paiyzyn ǵana toltyra otyryp sanitarlyq normalardy saqtaýmen dini qulshylyq jasaý nysandary jumysqa kirisedi.
2020 jylǵy 1 maýsymnan bastap Memlekettik bas sanitarlyq dárigerdiń talaptaryn saqtaýdy eskere otyryp, kezeń-kezeńmen ishki temirjol qatynasyn jandandyrý josparlanyp otyr. Biletter 2020 jylǵy 15 mamyrdan satyla bastaidy.
Sonymen qatar, sheteldegi Qazaqstan azamattaryn elge qaitarý máseleleri qaraldy.
Otyrys qorytyndysy boiynsha Premer-Ministrdiń orynbasary E. Toǵjanov birneshe naqty tapsyrmalar berdi.
