2026 jyldyń 1 mamyrynda jalǵyz aǵasynan aiyrylǵan áiel áleýmettik jelide janaiqaiyn jariialady, dep habarlaidy ult.kz.
Onyń aitýynsha, aǵasyn 17 jyl birge otasqan áieli júrek tusyna pyshaq suǵyp óltirgen. Atalǵan qylmystyq is QR Qylmystyq kodeksiniń 99-babynyń 1-bóligi boiynsha, iaǵni adam óltirý faktisi boiynsha tergelgen. Is boiynsha qylmysty kórgen kýágerler bar ekenin aitady.
Sot alqabilerdiń qatysýymen ashyq formatta ótken. Alaida týysynyń sózinshe, úshinshi sot otyrysynda marqumnyń ólimine aiyptalǵan áiel jazadan bosatylǵan.
«Keshirshi bizdi! Seni óltirgen adamdy bostandyqqa esh jazasyz shyǵara salady dep oiladyq pa?! Bul ne sumdyq», - dedi ol.
Marqumnyń týystary apelliiatsiiaǵa shaǵym bermek.
