Foto: Aǵybai Aiapbergenov/Kazinform
«QazAvtoJol» ulttyq kompaniiasy eldegi joldardyń qazirgi ahýaly týraly habarlady.
Ulttyq kompaniianyń málimetinshe, 2025 jylǵy 14 jeltoqsannan bastap Aqmola oblysynda aýa raiynyń nasharlaýyna bailanysty respýblikalyq mańyzy bar «KAZ02 Astana – Kókshetaý (ainalyp ótý joly) – Petropavl – RF shekarasy (Jańa Jol ótkizý pýnkti)» avtojolynyń 18-230-shaqyrymynda (Astana qalasy – Shýchinsk qalasynyń baqylaý-ótkizý pýnkti) avtokóliktiń barlyq túri úshin jyldamdyq shegi saǵatyna 80 shaqyrymnan 60 shaqyrymǵa deiin tómendetildi.
Tirkemesi bar jáne jartylai tirkemeli júk kólikteriniń qozǵalysy Osinov asýynda ýaqytsha shekteldi. Shekteý «Óskemen – Altai – Katonqaraǵai – Rahman qainary» avtojolynyń 46-66-shaqyrymyndaǵy (Severnoe aýyly – Serebriansk qalasy) ýchaskesinde qys aiaqtalǵansha saqtalady.
Kóliktiń barlyq túri úshin jabyq joldar
Pavlodar oblysy
• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» kólik airyǵy ýchaskesi (Qalqaman kentine kireberis jáne Astana baǵytyna shyǵý).
Aqmola oblysy
• «Astana – Shiderti – Pavlodar – Ýspenka – RF shekarasy» avtojolynyń 16-200-shaqyrymy (Astana qalasy – Pavlodar oblysynyń shekarasy);
• osy avtojoldyń 200-254-shaqyrymy (Aqmola oblysynyń shekarasy – Shiderti kenti);
• «Jezqazǵan – Arqalyq – Petropavl» avtojolynyń 445-595-shaqyrymy (Derjavinsk qalasy – Soltústik Qazaqstan oblysynyń shekarasy).
Soltústik Qazaqstan oblysy
• «Jezqazǵan – Arqalyq – Petropavl» avtojolynyń 595-671-shaqyrymy (Aqmola oblysynyń shekarasy – Toqsan bi kenti).
Eske salaiyq, buǵan deiin sinoptikter 16 jeltoqsan kúni Astanada jáne elimizdiń 17 oblysynyń turǵyndaryna aýa raiynyń buzylýyna bailanysty eskertý jasaǵan edi.
