فوتو: اعىباي اياپبەرگەنوۆ/Kazinform
«قازاۆتوجول» ۇلتتىق كومپانيياسى ەلدەگٸ جولداردىڭ قازٸرگٸ احۋالى تۋرالى حابارلادى.
ۇلتتىق كومپانييانىڭ مەلٸمەتٸنشە, 2025 جىلعى 14 جەلتوقساننان باستاپ اقمولا وبلىسىندا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار «KAZ02 استانا – كٶكشەتاۋ (اينالىپ ٶتۋ جولى) – پەتروپاۆل – رف شەكاراسى (جاڭا جول ٶتكٸزۋ پۋنكتٸ)» اۆتوجولىنىڭ 18-230-شاقىرىمىندا (استانا قالاسى – ششۋچينسك قالاسىنىڭ باقىلاۋ-ٶتكٸزۋ پۋنكتٸ) اۆتوكٶلٸكتٸڭ بارلىق تٷرٸ ٷشٸن جىلدامدىق شەگٸ ساعاتىنا 80 شاقىرىمنان 60 شاقىرىمعا دەيٸن تٶمەندەتٸلدٸ.
تٸركەمەسٸ بار جەنە جارتىلاي تٸركەمەلٸ جٷك كٶلٸكتەرٸنٸڭ قوزعالىسى وسينوۆ اسۋىندا ۋاقىتشا شەكتەلدٸ. شەكتەۋ «ٶسكەمەن – التاي – كاتونقاراعاي – راحمان قاينارى» اۆتوجولىنىڭ 46-66-شاقىرىمىنداعى (سەۆەرنوە اۋىلى – سەرەبريانسك قالاسى) ۋچاسكەسٸندە قىس اياقتالعانشا ساقتالادى.
كٶلٸكتٸڭ بارلىق تٷرٸ ٷشٸن جابىق جولدار
پاۆلودار وبلىسى
• «استانا – شٸدەرتٸ – پاۆلودار – ۋسپەنكا – رف شەكاراسى» اۆتوجولىنداعى «قالقامان» كٶلٸك ايرىعى ۋچاسكەسٸ (قالقامان كەنتٸنە كٸرەبەرٸس جەنە استانا باعىتىنا شىعۋ).
اقمولا وبلىسى
• «استانا – شٸدەرتٸ – پاۆلودار – ۋسپەنكا – رف شەكاراسى» اۆتوجولىنىڭ 16-200-شاقىرىمى (استانا قالاسى – پاۆلودار وبلىسىنىڭ شەكاراسى);
• وسى اۆتوجولدىڭ 200-254-شاقىرىمى (اقمولا وبلىسىنىڭ شەكاراسى – شٸدەرتٸ كەنتٸ);
• «جەزقازعان – ارقالىق – پەتروپاۆل» اۆتوجولىنىڭ 445-595-شاقىرىمى (دەرجاۆينسك قالاسى – سولتٷستٸك قازاقستان وبلىسىنىڭ شەكاراسى).
سولتٷستٸك قازاقستان وبلىسى
• «جەزقازعان – ارقالىق – پەتروپاۆل» اۆتوجولىنىڭ 595-671-شاقىرىمى (اقمولا وبلىسىنىڭ شەكاراسى – توقسان بي كەنتٸ).
ەسكە سالايىق, بۇعان دەيٸن سينوپتيكتەر 16 جەلتوقسان كٷنٸ استانادا جەنە ەلٸمٸزدٸڭ 17 وبلىسىنىڭ تۇرعىندارىنا اۋا رايىنىڭ بۇزىلۋىنا بايلانىستى ەسكەرتۋ جاساعان ەدٸ.
