Foto: QTF baspasóz qyzmeti
Qazaqstandyq tennisshi Ámir Omarhanov jasóspirimder arasyndaǵy Aýstraliia ashyq chempionatynyń shirek finalyna shyqty, - dep habarlaidy "Ult aqparat" QTF baspasóz qyzmetine silteme jasap.
Álemdik reitingide (jasóspirimder arasynda - eskertý) 27-orynda turǵan Qaraǵandy tennis mektebiniń túlegi qazaqstandyq sportshylar arasynda alǵashqy bolyp osyndai nátijege qol jetkizip otyr.
Omarhanov úshinshi ainalymda álemdik reitingide ózinen bir saty joǵary turǵan ońtústikkoreialyq Chandjýn Kimdi qapy qaldyrdy.
Birinshi sette qazaqstandyq tennisshi 6:3 esebimen basymdylyq tanytsa, ekinshisinde Kim ese qaiyrdy.
Esesine sheshýshi, úshinshi sette Omarhanov 19 minýtta qarsylasyna esh múmkindik qaldyrǵan joq – 6:0.
Tartysty báseke saǵat jarymnan astam ýaqytqa sozyldy.
Aita keteiik, Ámir Omarhanov jartylai finalǵa shyǵý úshin jasóspirimder arasynda álemniń 25-raketkasy, niderlandyq Mes Rotgeringpen kezdesedi.
