فوتو: قتف باسپاسٶز قىزمەتٸ
قازاقستاندىق تەننيسشٸ ەمٸر ومارحانوۆ جاسٶسپٸرٸمدەر اراسىنداعى اۋسترالييا اشىق چەمپيوناتىنىڭ شيرەك فينالىنا شىقتى, - دەپ حابارلايدى "ۇلت اقپارات" قتف باسپاسٶز قىزمەتٸنە سٸلتەمە جاساپ.
ەلەمدٸك رەيتينگٸدە (جاسٶسپٸرٸمدەر اراسىندا - ەسكەرتۋ) 27-ورىندا تۇرعان قاراعاندى تەننيس مەكتەبٸنٸڭ تٷلەگٸ قازاقستاندىق سپورتشىلار اراسىندا العاشقى بولىپ وسىنداي نەتيجەگە قول جەتكٸزٸپ وتىر.
ومارحانوۆ ٷشٸنشٸ اينالىمدا ەلەمدٸك رەيتينگٸدە ٶزٸنەن بٸر ساتى جوعارى تۇرعان وڭتٷستٸككورەيالىق چاندجۋن كيمدٸ قاپى قالدىردى.
بٸرٸنشٸ سەتتە قازاقستاندىق تەننيسشٸ 6:3 ەسەبٸمەن باسىمدىلىق تانىتسا, ەكٸنشٸسٸندە كيم ەسە قايىردى.
ەسەسٸنە شەشۋشٸ, ٷشٸنشٸ سەتتە ومارحانوۆ 19 مينۋتتا قارسىلاسىنا ەش مٷمكٸندٸك قالدىرعان جوق – 6:0.
تارتىستى بەسەكە ساعات جارىمنان استام ۋاقىتقا سوزىلدى.
ايتا كەتەيٸك, ەمٸر ومارحانوۆ جارتىلاي فينالعا شىعۋ ٷشٸن جاسٶسپٸرٸمدەر اراسىندا ەلەمنٸڭ 25-راكەتكاسى, نيدەرلاندىق مەس روتگەرينگپەن كەزدەسەدٸ.
