Petropavldaǵy mektepterdiń birinde oqityn 16 jastaǵy jasóspirimnen týberkýlezdiń juqpaly túri anyqtaldy, dep habarlaidy ult.kz.
Qazaqstan Media portalynyń jazýynsha, qazir ol mamandandyrylǵan meditsinalyq mekemede em qabyldap jatyr.
Sanitariialyq-epidemiologiialyq baqylaý basqarmasynyń málimetinshe, meditsinalyq uiymnan mektep oqýshysynan týberkýlez anyqtalǵany týraly shuǵyl habarlama túsken. Aýrý josparly fliýorografiialyq tekserý kezinde belgili bolǵan.
Dárigerler jasóspirimge bakteriia bóletin týberkýlez (MBT+) diagnozyn qoiǵan. Qazirgi tańda ol oblystyq ftiziopýlmonologiia ortalyǵynda em alyp jatyr.
Oqiǵadan keiin infektsiia oshaǵynda dezinfektsiialyq jumystar júrgizildi. Sondai-aq naýqaspen bailanysta bolǵan barlyq adamdar – otbasy músheleri, mektep oqýshylary, muǵalimder jáne jasóspirim qaralǵan emhana qyzmetkerleri meditsinalyq tekserýden ótip jatyr.
Budan bólek, Sanitariialyq-epidemiologiialyq baqylaý basqarmasy jasóspirim tirkelgen meditsinalyq uiym men aýrý anyqtalǵan mekemede epidemiologiialyq tekserý júrgizilip jatqanyn habarlady.
