پەتروپاۆلداعى مەكتەپتەردٸڭ بٸرٸندە وقيتىن 16 جاستاعى جاسٶسپٸرٸمنەن تۋبەركۋلەزدٸڭ جۇقپالى تٷرٸ انىقتالدى, دەپ حابارلايدى ult.kz.
Qazaqstan Media پورتالىنىڭ جازۋىنشا, قازٸر ول مامانداندىرىلعان مەديتسينالىق مەكەمەدە ەم قابىلداپ جاتىر.
سانيتارييالىق-ەپيدەميولوگييالىق باقىلاۋ باسقارماسىنىڭ مەلٸمەتٸنشە, مەديتسينالىق ۇيىمنان مەكتەپ وقۋشىسىنان تۋبەركۋلەز انىقتالعانى تۋرالى شۇعىل حابارلاما تٷسكەن. اۋرۋ جوسپارلى فليۋوروگرافييالىق تەكسەرۋ كەزٸندە بەلگٸلٸ بولعان.
دەرٸگەرلەر جاسٶسپٸرٸمگە باكتەرييا بٶلەتٸن تۋبەركۋلەز (مبت+) دياگنوزىن قويعان. قازٸرگٸ تاڭدا ول وبلىستىق فتيزيوپۋلمونولوگييا ورتالىعىندا ەم الىپ جاتىر.
وقيعادان كەيٸن ينفەكتسييا وشاعىندا دەزينفەكتسييالىق جۇمىستار جٷرگٸزٸلدٸ. سونداي-اق ناۋقاسپەن بايلانىستا بولعان بارلىق ادامدار – وتباسى مٷشەلەرٸ, مەكتەپ وقۋشىلارى, مۇعالٸمدەر جەنە جاسٶسپٸرٸم قارالعان ەمحانا قىزمەتكەرلەرٸ مەديتسينالىق تەكسەرۋدەن ٶتٸپ جاتىر.
بۇدان بٶلەك, سانيتارييالىق-ەپيدەميولوگييالىق باقىلاۋ باسقارماسى جاسٶسپٸرٸم تٸركەلگەن مەديتسينالىق ۇيىم مەن اۋرۋ انىقتالعان مەكەمەدە ەپيدەميولوگييالىق تەكسەرۋ جٷرگٸزٸلٸپ جاتقانىن حابارلادى.
