Jeksenbi, 16 tamyzda elimizdiń basym bóliginde aýa raiy qubylmaly bolady, dep habarlaidy ult.kz.
Atmosferalyq fronttardyń ótýine bailanysty kóptegen óńirde jańbyr jaýyp, naizaǵai oinaidy. Kei jerlerde jel kúsheiip, burshaq jaýýy múmkin.
Sinoptikterdiń málimetinshe, jaýyn-shashyn eldiń batysy men Qyzylorda oblysyn qospaǵanda, basym bóliginde kútiledi. Túnde jáne tańerteń batys, soltústik-batys, soltústik jáne ortalyq óńirlerde tuman túsýi yqtimal.
Sonymen qatar birqatar oblysta naizaǵai kezinde jeldiń ekpini 15–20 m/s-qa deiin jetýimúmkin. Ońtústik jáne ońtústik-shyǵys óńirlerde aýa temperatýrasy joǵary bolyp, kei jerlerde aptap ystyq saqtalady.
Almatyda aýa raiy qubylmaly bolady. Qalada jańbyr jaýyp, naizaǵai oinaýy múmkin. Almaty oblysynyń kei aýmaqtarynda da ótkinshi jańbyr men jel kútiledi.
Shymkent pen Túrkistan oblysynda aýa temperatýrasy joǵary bolady. Shymkentte tamyzdyń ekinshi onkúndiginde kúndizgi temperatýranyń birtindep tómendeýi kútilgenimen, ystyq aýa raiy áli de saqtalady.
Sinoptikter turǵyndarǵa naizaǵai men qatty jel kezinde qaýipsizdik sharalaryn saqtaýǵa, al aptap ystyq bolatyn óńirlerde kún astynda uzaq júrmeýge keńes beredi.
