COVID-19-ben kúresýge tartylǵan 1646 meditsina qyzmetkeri koronavirýs infektsiiasyn nemese virýstyq pnevmoniiany juqtyrǵany úshin memlekettik áleýmettik saqtandyrý qorynan (budan ári – MÁSQ) birjolǵy áleýmettik tólem aldy.
Sondai-aq, MÁSQ aýrýdyń saldarynan qaitys bolǵan 22 meditsina qyzmetkeriniń týystaryna tólemder aýdardy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy.
Ótinimderdiń jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-qa beriledi, keiin tólem taǵaiyndaý úshin MÁSQ-ǵa jiberiledi.
«18 qyrkúiek saǵat 9:00-degi jaǵdai boiynsha MÁSQ COVID-19 nemese virýstyq pnevmoniia juqtyrǵan 1646 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 22 meditsina qyzmetkeriniń ótinishi boiynsha qarajatty taǵaiyndaý men tóleýdi júzege asyrdy»,-delingen habarlamada.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Almaty (369) jáne Nur-Sultan (340), Shymkent (100) qalalary, Qaraǵandy (113) jáne Aqmola (107) oblystary boiynsha júrgizildi.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi «Densaýlyq saqtaý uiymdarynyń COVID-19 koronavirýstyq infektsiiasyna qarsy kúres jónindegi epidemiiaǵa qarsy is-sharalarǵa tartylǵan qyzmetkerleri atalǵan infektsiiany juqtyrǵan nemese odan qaitys bolǵan jaǵdaida olarǵa birjolǵy áleýmettik tólemdi júzege asyrý qaǵidalaryn bekitý týraly» birlesken buiryǵyna aǵymdaǵy jyldyń 22 shildesinde engizilgen ózgeristerge sáikes joǵaryda kórsetilgen tólem:
– koronavirýstyq infektsiia nemese virýstyq pnevmoniia juqtyrǵan meditsina qyzmetkerlerine – 2 mln. teńge;
– COVID-19 koronavirýstyq infektsiiasyn juqtyrǵannan, virýstyq pnevmoniiamen aýyryp qaitys bolǵan jaǵdaida olardyń otbasyna – 10 mln. teńge kóleminde tólenedi.
