16 million qazaqstandyqtyń jeke derekteri internettiń «qara naryǵy» – Darknet arqyly satylǵan bolýy múmkin. Bul týraly Jasandy intellekt jáne tsifrlyq damý vitse-ministri Dosjan Músáliev 16 million azamattyń derbes derekteri nege kollektorlyq agenttik qyzmetkerleriniń qolyna túskeni týraly suraqqa jaýap berý barysynda aitty, dep habarlaidy ult.kz.
Vitse-ministrdiń sózinshe, 16 million azamattyń málimetin qamtityn aýqymdy baza birneshe jyl, tipti ondaǵan jyl boiy jinaqtalǵan bolýy yqtimal.
«Meniń paiymdaýymsha, bul 16 million jazba jyldar, tipti ondaǵan jyldar boiy jinalǵan. Darknette satylatyn biryńǵai derekter bazasy bolýy múmkin. Kollektorlar aqparatty sol jerden alǵan degen boljam bar. Biraq bul – ázirge tek boljam», – dedi Dosjan Músáliev.
Eske salsaq, biyl maýsym aiynda Jetisý oblysynda 16 millionǵa jýyq qazaqstandyqtyń jeke derekteri saqtalǵan baza tárkilengen bolatyn. Tergeý málimetine sáikes, kollektorlyq agenttik qyzmetkerleri azamattardyń derekterin zańsyz paidalanǵan. Olardyń qolynda JSN, telefon nómirleri jáne turǵylyqty mekenjailar bolǵan.
Atalǵan is boiynsha tergeýdi politsiia, prokýratýra jáne Ulttyq qaýipsizdik komiteti júrgizip jatyr.
Aita keteiik, 2025 jyldyń jazynda internette 16 million qazaqstandyqtyń jeke derekteri jariialanǵan edi. Sol kezde Jasandy intellekt jáne tsifrlyq damý ministrligi aqparattyń taralýyna memlekettik júielerdiń buzylýy emes, derekter bazasyna zańdy qoljetimdiligi bar tulǵalardyń ony zańsyz paidalanýy sebep bolýy múmkin ekenin málimdegen.
Tekserý nátijesinde jariialanǵan aqparattyń basym bóligi 2022 jyly qoldy bolǵany anyqtaldy.
Al biyl sáýir aiynda Qazaqstanda azamattardyń derbes derekterin zańsyz jinaý jáne satýǵa qatysty qylmystyq is tergelip jatqany belgili boldy.
