Foto: kursiv.media
Eki kúnnen keiin uzaq qaralyp, daýǵa ainalǵan "Áielderdiń quqyqtary men balalardyń qaýipsizdi" týraly jańa zań kúshine enedi, -dep habarlaidy "Ult Aqparat".
15 sáýirde Memleket basshysy áielderdiń quqyqtary men balalardyń qaýipsizdigin qamtamasyz etý máseleleri jónindegi Zańǵa qol qoiǵanyn jáne oǵan ÁQBtK-ge túzetýler engizilgen.
Zań jobasy ázirlengenge deiin elimizde sońǵy eki jyl ishinde 120-dan astam túrli dóńgelek ústelder, forýmdar men talqylaýlar ótken eken.
"Osy zan zorlyk-zombylyqtyń aldyn-alýǵa qatysty júieni engizedi jane jazany qatańdatý arqyly zorlyq-zombylyqqa jol bermeý mádenietin qalyptastyrady", -deidi QR Bala quqyqtary jónindegi ýákil Dinara Zákieva.
Zańmen Qylmystyq jáne qylmystyq is júrgizý kodeksterine túzetýler engizildi, onyń ishinde 108-1 (densaýlyqqa qasaqana jeńil ziian keltirý), 109-1 (uryp-soǵý), 121-1 (on alty jasqa tolmaǵan adamdarǵa jynystyq sipattaǵy qýdalaý), 313-1 (sýitsidti nasihattaý) jańa baptary engizildi, sondai-aq olar boiynsha tergeýshilik aiqyndaldy jáne t. b.
Áielder men balalarǵa qatysty zorlyq-zombylyq úshin jaýapkershilikti kúsheitý.
Qylmystyq kodekste kámeletke tolmaǵanǵa qatysty zorlyq-zombylyqqa bailanysty qylmystar boiynsha tatýlasý múmkindigi alynyp tastaldy, qasaqana aýyr, aýyrlyǵy ortasha densaýlyqqa ziian keltirgeni jáne azaptaǵany úshin jaýapkershilikti qatańdatý úshin, bas bostandyǵyn shekteý siiaqty jaza túri alynyp tastaldy, jas adamdy zorlaǵany úshin endi ómir boiyna bas bostandyǵynan aiyrý ǵana bolady (buryn balama bolǵan – "kórineý kámeletke tolmaǵan adamǵa qatysty" biliktilik belgisin tolyqtyrý jolymen urlaý jáne zańsyz bas bostandyǵynan aiyrý úshin jaýapkershilik kúsheitildi, sondai-aq 16 jasqa tolmaǵan adamdarǵa jynystyq sipattaǵy qýdalaý jáne sýitsidti nasihattaý úshin qylmystyq jaýapkershilik engiziledi.
"Aǵymdaǵy jyldyń 5 aiynda 53 myń buzaqy ákimshilik jaýapkershilikke tartyldy, onyń ishinde 17 myńy qamaýǵa alyndy. Turmystyq zorlyq-zombylyq qurbandaryn qorǵaý maqsatynda ýchaskelik politsiia inspektorlary aǵymdaǵy jyly 41 myń qorǵaý uiǵarymyn shyǵardy. Politsiianyń ótinishi boiynsha sottar quqyq buzýshylardyń minez-qulqyna 10 myńǵa jýyq erekshe talaptar qoidy. Barlyǵynda baiqaý isteri bastalyp, politsiianyń kúsheitilgen baqylaýy belgilenedi. Atalǵan shekteýlerdi buzǵany úshin 9 myńnan astam eseptik tulǵa tartyldy", - deidi IIM Ákimshilik politsiia komiteti tóraǵasynyń orynbasary Renat Zýlhaiyruly.
