Óskemen qalasynyń turǵyny Natalia Krasilnikova 16 bala tárbielep otyr, dep habarlaidy "Ult aqparat".
8 naýryz – Halyqaralyq áielder kúni qarsańynda qala ákimi Jaqsylyq Omar batyr ana Natalia Krasilnikovamen kezdesip, oǵan «Óskemen qalasynyń qurmetti azamaty» ataǵyn berdi.
«Búkil ómirin baýyr eti balalarynyń bolashaǵyna arnaǵan otbasyn nyǵaityp, qoǵamnyń adal, syily, eńbekqor múshelerin tárbielegen adam úlken qurmetke laiyq! Qala turǵyndary atynan Natalia Anatolevnany merekesimen quttyqtadym, - dedi shahar basshysy óziniń Instagram paraqshasynda.
Budan bólek Jaqsylyq Omar jas sportshy Anastasiia Gorodkomen kezdesti. Jýyqta ǵana ol fristaildyń mogýl túrinen Finliandiiada ótken Eýropa kýbogynda rekordtyq upai jinap, jeńis tuǵyrynan kóterilgen edi.
